1 июнь- «Салават күпере» лагере эшли башлады. Вожатыйлар Шугаепова Миләүшә, Байкова Алия, Бикбаева Чулпан, Сафиуллина Асия балаларны бергә туплап эшне оештыруда күп көч куйдылар. Балаларга лагерь режимы, эш тәртипләре, үз- үзеңне тоту кагыйдәләре аңлатылды. Бу атнада шөгыльләрне инглиз теле укытучылары оештыруын белгәч, ял итүчеләр сөенделәр. Чөнки чит телдә күп чаралар һәм уеннарны алар яраталар.

    Балаларны халыкара яклау көне уңаеннан Шәмәрдән мәдәният йорты хезмәткәрләре Сабантуй бәйрәменә дәште. Анда рәхәтләнеп ял иттеләр,уеннарда катнашып  күп призлар алдылар балалар. 

 2 июнь-иртәнге зарядка һәм аштан соң чит тел шөгыльләре узды. Аннан соң “Мистер Холмс туган көн”не бәйрәм иттек. Бәйрәмне урамда “Табигать һәм фантазия” иҗади конкурсы белән тәмамладык.  Табигатькә башка күз белән карасаң, күпме могҗиза тудырып була!

                          Үләннәр дә серен ача,

                          Гөл- чәчкә хуш ис сибә,

                          Кошлар матур җырын суза,

                          Бары күзәт һәм тыңла!

   Вожатыйлар балалар белән юл- транспорт фаҗигалары, юлда сак йөрү турында сөйләштеләр.