Укытучылар көч сынашты...

       13 ноябрь көнне Шәмәрдән  “Яшьлек” спорт комплексы коллективы район мәктәбе укытучылары арасында брейн- ринг  уены оештырды. Бу бәйгедә районыбызның              14 мәктәбе командасы катнашты. Алар Кибәче, Сатыш, Эзмә, Иштуган,Шыңар, Явлаштау, Саба №1, Шәмәрдән, Шытсу, Тимершык, Кызыл Мишә, Сабабаш, Лесхоз мәктәбе укытучылары. Бәйгедә катнашучылар икешәрләп ярышып төрле темага карата бирелгән сорауларга җавап эзләделәр.Нәтиҗәдә финалга Шыңар, Кибәче, Шәмәрдән, Лесхоз командалары чыкты.Киеренке көрәштән соң III урынга Шыңарлылар, II урынга Лесхоз  мәктәбе, I урынга Шәмәрдән лицее командасы  чыкты. Җиңүче командаларга бүләкләр тапшырылды. Шәмәрдән лицее командасы составында:Галиева Г.К., Мулласалихова Г.Г., Галиуллина Э.И.,Якупова М.Н, Шигапова Е.Н., Саляхиева Л.М., Байгузина Г.Ю., Сушенцова З.М., Емельянова Л.М. лар чыгыш ясадылар.Бу укытучылар үзләрен төрле яктан камил,эзләнүчән булуларын күрсәттеләр.

        Бәйгедә катнашучыларны Шәмәрдән авылы җирлеге башлыгы Гәрәев А.Н. “Укытучылар елы” белән тәбрикләде һәм матур теләкләрен җиткерде.Уен Шәмәрдән мәдәният йорты үзешчәннәренең матур җырлары белән үрелеп барды.Укытучылар үзләрен бөтен өлкәдә дә белемле, эрудицияле, кызыксынучан икәнлекләрен тагын бер кат расладылар.

                                                                             Галиуллина Э.И.15.11.2010 ел