Туган ягыбызны беләсеңме?

      Кадерле укучылар! Быел Саба районы оешуга 80 ел тула. Әлеге дата безне тарихыбыз турында тагын да  ераккарак китеп уйланырга мәҗбүр итә.Борынгы Саба ягы XIV гасыр вакыйгаларын тасвирлап язылган

 « Идегәй» дастанында да телгә алынган.Безнең якларга кем генә килсә дә, табигатебезгә - урман- суларга, болыннарга соклана, кешеләребезнең матурлыгына, күркәм холыклы, тырыш, рухи яктан бай булуларына игътибар итмичә калмый.Саба ягы халкы жырга- моңга бай, борынгыдан үзенә кирәкне үзе җитештерә - ясый белгән.Безнең як кешеләре элек- электән белемгә тартылган.

      Әйдәгез әле, бергәләп, без дә үзебезнең туган төбәгебез тарихына- үткәненә сәяхәт ясыйк.Район оешуга 80 ел тулу уңаеннан викторина сорауларына җавап эзлик.      

     Җавапларны 243 кабинетка яки тарих укытучыларына 25 ноябрьгэ кадәр тапшырырга.

             Сораулар.

1.Саба турында беренче язма искә алулар.

2. Саба районы оешу вакыты.

3.Район газетасы ничәнче елда чыга башлаган? Ничек аталган?

4.Безнең як мәдрәсәләре турында ниләр беләсең?

5.Районда хәзер ничә авыл, күпме халык яши?

6.Районның авыл хужалыгында иң күп табыш бирүче культуралар?

7.Саба урман хужалыгы турында ниләр беләсез?

8.Район территориясендә нинди елгалар ага?

9.Саба районының мәйданы.

10.Районның иң биек ноктасы.

11.Районда нинди файдалы казылмалар табыла?

12.Безнең район нинди районнар белән чикләшә?

13.Районда иң киң таралган туфрак төре.

14.Районда ничә Советлар Союзы Герое бар? Алар кемнәр?

15.Район үзәгендә шәхесләр исеме белән аталучы нинди урамнар бар?

16.Районда ничә урта, төп мәктәп бар?

17.Саба төбәгендә беренче тапкыр йортларга радио кертүне кем башкарган? Ничәнче елда?

18.Бүген эшләп килүче радиога ничә яшь? Директоры кем?

19.Саба районының иң тапкыр мәзәкләр туплаучы шәхесе кем?

20.Район символикасы турында ниләр беләсез?

21. Туган ягыбызга багышланган шигырь, язмаларыгыз.

                         Җаваплар көтәбез.Уңышлар Сезгә!