"Татарча диктант-2022" акциясе җиденче тапкыр бөтен җир шары буйлап үткәрелде. 25нче ноябрь көнне Шәмәрдән лицее “Үсеш”тә дә 280 укучы, мөгаллим,ә 26нчы ноябрьдә, Шәмәрдән авылында,  30 әти- әни, әби- бабай   бик теләп “Татарча диктант”ны яздылар.   Иң өлкән катнашучы 86 яшьлек Сабиров Мөхәммәтнаил Сабир улы , ә иң яшь язучы  11 яшьлек Гурьянова Камилә булды. Татарча диктант акциясенең асылы - Россия Федерациясе һәм дөньяның төрле шәһәрләрендә барлык теләгән һәркем ирекле рәвештә һәм бушлай татар телен ни дәрәҗәдә белүен тикшереп карый алды.  Акциянең максаты - татар телендә хатасыз язарга өйрәнү, татар әдәби телен кулланучыларның даирәсен арттыру, орфографик һәм грамматик хаталарны тикшерү.  Ләкин аның иң мөһим миссиясе - татарлыкны саклап калу. Чарада катнашучы һәркем акциядә катнашып, татар телен, милли гореф-гадәтләребезне саклап калуга үз өлешен кертте.