Белем бирү, тәрбия системасында реформалар булып тора. Шәмәрдән лицее да заман яңалыклары белән бергә атлый, бергә яши.

   13 апрель көнне яңа белем бирү стандартларына күчү һәм нәтиҗәләрне бәяләү  максатыннан Шәмәрдән лицее базасында республика семинары булды. Семинарның темасы: “ Яңа стандартларга күчү шартларында укыту- тәрбия  эшләре буенча директор урынбасарларының төп эш юнәлешләре “.

Семинарны лицей директоры Шәүкәт Әнвәр улы  Хәмзин ачып җибәрде. Аннан соң директор урынбасарлары Каримуллина Резеда , Шайхиева Розалия, Кәбирова Илсөя,Вәлиуллина Гөлнара , Емельянова Ләйсән  эффектлы идарә итү һәм эшне оештыру юллары тәҗрибәсе белән таныштырдылар. Укыту- тәрбия  эшләре буенча  директор урынбасары Кәримуллина Резеда Шәүкәт кызы Шәмәрдән лицее белән таныштырды. Кунаклар һәр класс- кабинетның җиһазланышы, сакланышы һәм музейларга соклануларын белдерделәр. Күргәзмәләр белән танышып укучылар эшен югары бәяләделәр.

   Икенче өлештә лицеебызның тәҗрибәле укытучылары Каримуллина Валентина, Салахиева Лилия, Назмутдинова Энҗе, Закирова Илсөя , Хадиева Ләйсән дәресләр күрсәттеләр.”Күңелле тәнәфес” тә төрле түгәрәкләрдә шөгыльләнүче укучылар  чыгыш  ясадылар. Күңелле җыр, бию һәм шаян сүзләр һәркемне елмаерга һәм сокланырга мәҗбүр итте.

    Тахтамышева Гөлнара Чыңгызовна җитәкчелегендә республика семинарына килгән кунаклар Шәмәрдән лицееның яңа стандартларга күчү буенча эш юнәлешен югары бәяләде.

                                                                                                                            Шәмәрдән лицее Галиуллина Энҗе