Бүген лицеебыз укучылары Казан федераль университетының Филология һәм мәдәниятара багланышлар институты оештырган XII Халыкара фәнни-гамәли конференциясендә катнаштылар. Әүхәдиев И., Павлова З., Закирова А., Нигъмәтҗанова Д. төрле секцияләрдә чыгыш ясадылар һәм дипломнарга лаек булдылар. 5 нче сыйныф укучылары “Милли бизәкләр” дигән остаханәдә шөгыльләнделәр. Алар милли бизәкләр белән таныштылар, иҗади сәләтләрен үстерделәр. Татар теле һәм технология укытучыларының бердәм тырышлыгы белән “Милли почмак” булдырылды һәм район конкурсына тәкъдим ителде. Бу почмак балаларга татар халкының милли киемнәре, матур йолалары, борынгы бәйрәмнәре белән якыннан танышырга  ярдәм итә.

”Хәтерләүдән курыкма син,

 Үткәнеңне онытма син!

Бел син ерак бабаңнарның

Ничек итеп көн иткәнен,

Нинди уйлар,нинди моңнар

 Безгә калдырып киткәнен!”