Буген Шәмәрдән лицеенда татар телендә хатасыз язарга өйрәтү,әдәби татар телен кулланучыларның даирәсен арттыру,орфографик һәм грамматик хаталарны киметү максатыннан “Татарча диктант” акциясе узды.  Татарча диктантны үз җирлегебездә иҗат итүче  шагыйрь, композитор Зарипов Рөстәм Зәет улы яздырды.Бу акциядә әти-әниләр, укытучылар, укучылар актив катнашты.Диктантны 157 кеше язды. Шулар арасында  иң өлкән кеше 60 яшьлек - Низаметдинова Раилә Равил кызы, иң яшь кеше 11 яшьлек – Рәхимова Азалина да бар иде. Акциядә катнашучы  әти –әниләр: “Балачагыбызга  кайтардыгыз икенче елга да киләбез”,- дип рәхмәтләр әйтеп өйләренә таралыштылар. Акцияне уздыруда ярдәм иткән Шәмәрдән лицее директоры Шамилов Илшат Мирдәхмәт улына, директор урынбасары Вәлиуллина Гөлнара Рафаил кызына  зур рәхмәтләребезне җиткерәбез.