Кичә, 4нче гыйнвар көнне, безнең мәктәбебездә өлкән сыйныф укучылары өчен Яңа ел бәйрәме үткәрелде. Бәйрәмгә укучыларның әти-әниләре, әби-бабалары, туганнары һәм дуслары да килде. Барысы да актив катнаштылар. Кызыклы уеннар һәм конкурслар матур концерт номерлары белән үрелеп барды. 5-6нчы сыйныф укучылары, Зөбәрҗәт Маликовна җитәкчелегендә, "Алтын әтәч" исемле спектакль куйдылар. Бәйрәм 8-9нчы сыйныф укучылары башкаруында "Вальс" биюе белән башланып китте. Яңа ел барышында да тамашачылар 5,6,7,8нче сыйныфларның төрле халык биюләрен карап киттеләр. Бию түгәрәге җитәкчесе - Зиннәтуллина Дәринә Ринатовнага аерым рәхмәтебезне белдерәбез. Әлбәттә, бәйрәмебезгә Кыш бабай белән Кар кызы да килделәр, балаларга күчтәнәчләр өләштеләр, төрле уеннар уйнаттылар. 7нче сыйныф укучылары Кыш бабайны каршылап, кечкенә генә спектакль әзерләделәр һәм зал белән викторина уйнаттылар. Шулай итеп кышның иң көтеп алган бәйрәме - Яңа ел да үтеп китте...