Бүген, 8нче октябрь көнне,  үтеп киткән "Укытучылар көне" уңаеннан, безнең мәктәптә кечкенә үзгәрешләр булып узды. 8нче һәм 9нчы сыйныф укучылары үзләрен педагог ролендә сынап карадылар, түбән сыйныф балаларына белем бирделәр. Бүгенге "укытучылар" үзләренең вазыйфаларын җаваплы башкардылар: тиешенчә киенеп, дәрескә әзерләнеп килделәр. Көн ахырында үткәрелгән сораштырулардан соң нәтиҗәләр кызык та, кызганыч та. Яңа "педагоглар" үзләрен укыткан укытучыларга сабырлык теләделәр, укучы булып калган укучыларга исә, "яшь укытучылар" бик ошады һәм алар "иске коллективны" пенсияга чыгарырга дигән тәкъдим керттеләр:) Гомумән алагнда, көн бик күңелле һәм нәтиҗәле үтте! "Яшь укытучыларга" бер көнлек сабырлыклары өчен рәхмәт белдерәбез!:)