Бу атнада  бакчабыз  "Җир шары буенча сәяхәт" дигән  тема астында эшчәнлек алып барачак.  

Бүген бакчабызда янгын очрагында эвакуация буенча тренировка булды. Балалар запас эвакуация ишегеннән, тәрбияче һәм тәрбияче ярдәмчеләре ярдәмендә, тиз арада киенеп урамга чыктылар. Бакча тирәсеннән тыныч булган урынга урнашып, тәрбиячеләр бала саны буенча мөдир каршында исәп тоттылар. 

Бүген бакча хезмәткәрләре өчен  пожар куркынычсызлыгы кагыйдәләре буенча инструктаж  үткәрелде. Анда ут сүндерү җайланмалары белән эш итү, янгынга каршы сигнализация эшли башлаганда ни эшләргә, эвакуация, мондый ситуация вакытында нәрсә эшләргә турында әңгәмә оештырылды.

28 нче январьдан 1 нче февральгә кадәр бакчабызда тормыш иминлеге, янгын куркынычсызлыгы кагыйдәләрен саклау атналыгы үтте. Атналыкта балаларны янгын сүндерүчеләр хезмәте белән таныштыру, экстремаль шартларда үз-үзеңне тоту, югалып калмау, янгын куркынычсызлыгы кагыйдәләре турында белемнәрне ныгыту буенча эш алып барылды.

Биек булып, ап-ак булып,

Урамга ак кар яуган.

Көне буе шау-гөр килеп

Шуабыз шул ак таудан.

Шундый якты, шундый нурлы -

Бөтен дөнья ак кына...

Ап - ак була белә шулай

Безнең туган як кына.

Су буенда, ком өстендә

Уйныйбыз төрле уен.

Уйнап туйгач, чүп-чарлардан

Чистартабыз яр буен.

Дулкыннар да чүпне судан

Күтәреп ярга ата.

Димәк, алар да, безнең күк,

Чисталыкны ярата.

Фокусчы фокус күрсәтә,

Карап тора бар кеше.

Ышанмастай эшләрне ул

Ышандырырлык эшли:

Юк нәрсәне бар итә ул,

Салкын суны ут итә.

Таяк белән бер селтәнсә,

Күгәрчен очып китә.

Авызыннан ут бөрки ул,

Аҗдаһа дип белерсең.

"Мин хәйләли белмим, - ди ул, -

Күрсәтәм, - ди , - дөресен..."

Сөенәбез, шатланабыз,

Күңелле үтә кышлар.

Чаңгы, чана, тимераяк -

Безнең иң якын дуслар.

Менә тагын бәйрәм килде

"Бәләкәч" бакчасына,

Сокланып карап туймаслык

Яңа ел чыршысына.