Урамда карлы, салкын кыш. Бу вакытта салкын җилләрне җиңеп, нәни канатларын җилпеп азык эзләүче кошларга бик кыен. Кыска көннәрдә азык табып, тамакларын туйдырырга да өлгермиләр, инде кич килеп җитә. Шулай итеп, бик суык көннәрдә күп кенә кошлар катып үләләр. Шуңа күрә кышын кошлар кеше янына елыша. Бүген зурлар төркеме балалары кошлар өчен җим салып, җимлекләр элделәр.

Баланың иминлеге иң беренче урында. Бәлкем, шуңадыр, балалар бакчасыннан алып мәктәпкәчә "Юлда дөрес йөрү кагыйдәләре" шөгыльләре еш уздырыла. Сабыйларга юл йөрү кагыйдәләрен өйрәтүдә шөгыль зур роль уйный. Бүген зурлар төркемендә "Юл билгеләре иленә сәяхәт" дигән темага эшчәнлек узды. Балалар табышмакларның  җаваплары ярдәмендә юл билгеләрен танып әйттеләр һәм күрсәттеләр, уеннар ярдәмендә өйрәнгәннәрен ныгыттылар.

Бармакларны хәрәкәтләндерү аша без хәтерне, игътибарлылыкны, логик фикер йөртү сәләтен, күзәтүчәнлекне, сөйләм телен үстерәбез. Бармак чуклары моторикасын ныгыту максатыннан, бүген зурлар төркеме балалары,  мөстәкыйль эшчәнлек вакытында, төсле кәгазьләрне ертып гөмбә рәсемен ябыштырдылар. Әлеге эшчәнлек балаларга ошады.

Вот кто-то важный

На беленькой ножке,

Он с красной шляпкой,

На шляпке горошки.

Ребята первой младшей группы во время занятий на лепке.

Җир өстенә яуган кар һәркемне, бигрәк тә балаларны сөендерә. Аның белән тизрәк уйныйсы, ятып ауныйсы килә. Бүген зурлар төркеме балалары кечкенә кар бабайлар ясадылар, кар атышып уйнадылар.

На занятиях по обучению русскому языку проводятся разные игры. Главной целью данной игры является повышение интереса к художественному слову, формирование речевого развития и актерских способностей дошкольников. Дети с удовольствием слушали своих сверстников и многому учились другу у друга. 

Җир өстенә яуган кар һәркемне, бигрәк тә балаларны сөендерә. Аның белән тизрәк уйныйсы килә. Бүген зурлар төркеме балалары кечкенә кар бабайлар ясадылар, кар атышып уйнадылар.

Авазларны өйрәнүгә зурлар төркемендә бик зур игътибар бирелә башлый. Һәр аваз төрле уен, эш дәфтәрләре ярдәмендә өйрәнелә. Бүген зурлар төркемендә [р] авазын өйрәнделәр. Пластилиннан Р хәрефен әвәләп ясадылар,  эш дәфтәрләрендә [р] авазы кергән сүзләрне ике төркемгә бүлделәр, [р] авазының сүзнең кайсы урында килүен билгеләделәр.

Бүген иртән Азалия безгә савыт белән кар алып килде. Без ул карны эретеп, аның чистамы, юкмы икәнлеген карадык. Эреткәннән соң, марля аша сөзеп, карның барыбер бик чиста түгеллеген аңладык. Шулай ук җепшек кардан төрле әйберләр ясап булуын аңладык.

Яңа яуган кар өстеннән

Атлап баруы рәхәт.

Чиста ап-ак кар өстендә

Шөгыльләрдә үтә шәп!

Бүген зурлар төркеме балалары физик тәрбия шөгылен саф һавада үздырдылар. Төрле физик күнегүләр ясау белән беррәттән хәрәкәтле уеннар да уйнадылар.