Бүген Саба муниципаль районы мәгариф хезмәткәрләренең август конференциясе кысаларында Ватанны саклаучылар елына багышланган күргәзмәдә катнашып, безнең балалар бакчасы 2 урынга лаек булды.

Безнең уңышларыбыз! Нәфис сүз остабыз - кечкенә Айшәбезнең киләчәктә дә уңышлары күп булсын.

Бүген зурлар төркеме балалары белән авылыбыз китапханәсенә кунакка бардык. Анда безне ачык йөзле китапханәчебез Вәсилә апабыз каршы алды. Вәсилә Шәйхулловна балаларга "Урман-тиңсез хәзинә" дигән исем астында матур китаплардан күргәзмә әзерләгән иде. Урман темасына кагылышлы табышмаклар чишеп, кызыклы уеннар уйнап, матур,рәсемле китаплар карап,күп сорауларга җаваплар табып,Вәсилә апабыздан күчтәнәчләр алып бакчабызга кире әйләнеп кайттык.

"Аллы-гөлле гөлбакчабыз"
Хезмәт тәрбиясе бирү максатыннан балалар белән берлектә корыган чәчәк чүпләрен чистарттык. Балалар бик тырышып, кызыксынып  эшләделәр. Матур  бакчабыз тагын да ямьләнеп китте.

Сәяхәткә барабыз.
Без атлап та барабыз,
Йөгереп тә барабыз
Арып китcәк, без туктап,
Аякларны язабыз.
Урманда үз-үзеңне тоту кагыйдәләре, урманны ничек саклау кагыйдәләрен өйрәнү максатыннан каенлыкка сәяхәткә бардык. Анда без бик күп сорауларга җаваплар таптык. Гүзәл табигатебезне күзәтеп, истәлеккә фотога төшеп бакчабызга кире әйләнеп кайттык.

Бүген бездә гадәти булмаган көн - буялган таш көнен билгеләп үттек.
Балалар табигатьтәге ташларның күптөрлелеге белән таныштылар, аларны һәр җирдә: юлда, елгада, диңгездә, тауларда очратырга мөмкин булуын белделәр. Кешеләрнең аларны ничек һәм кайда куллануларын искә төшерделәр. Диңгез ташы турында әкият тыңладылар.
Ташны бизәү-сәнгатьнең иң борынгы төре.Ул мавыктыргыч һәм гаҗәеп дөнья. Ташка рәсем ясау техникасы бик гади һәм хәтта кечкенә балалар өчен дә аңлаешлы булырга мөмкин. Без зурлар төркеме балалары белән берлектә төрле формадагы ташларны буяп, рәсемнәр ясадык. Безнең җиләк, карбыз, лимон кебек башка бик матур әйберләр килеп чыкты.
Балалар өчен ташларны бизәү - ул мавыктыргыч эшчәнлек һәм арт-терапия булып тора.

Сегодня с детишками младшей группы мы устроили праздник в честь день рождения светофора. Мы с ними повторили правила дорожного движения, вспомнили для чего нужны светофоры на дорогах, учили дорожные знаки. В завершении праздника  выполнили аппликацию "Светофор", теперь у наших игрушечных машинок есть свои светофоры, и они уж точно не попадут в аварию, если будут следовать правилам дорожного движения.

29 июльдә Халыкара юлбарыс көне-әлеге хайваннарны яклауга багышланган көн билгеләп үтелә. Ул ел саен Россиядә дә, дөньяның башка илләрендә дә үткәрелә. Бүген зурлар төркеме балалары уеннар һәм әңгәмәләр аша юлбарыс турында бик күп кызыклы нәрсәләр белделәр һәм матур рәсемнәр дә ясадылар.

Бүген бәйрәм көн-җомга көн итеп балалар белән Аллаһ йортына - мәчеткә экскурсиягә бардык. Безнең кскурсиянең максаты - балаларда мәчет турында белемнәр формалаштыру, мәчет һәм ислам диннәре турындагы гади күзаллауларны үстерү иде. Мәчеттә үз-үзеңне тоту культурасы нигезләрен формалаштыру. Мәчеттә безне авылыбызның имамы Рушан хәзрәт каршы алды. Ул балаларны мәчет белән таныштырды, мәчеткә килер алдыннан мөселман кешесенә нәрсә эшләргә кирәклеге турында сөйләде. Мәчеткә килүче хатын-кызларның һәм ир-атларның киеме нинди булырга тиешлеге турында аңлатты. Мәчеттә бәйрәм һәм эш көннәрендә намаз укыганнарын сөйләде.Балаларга биш вакыт намаз барлыгын аңлатты һәм шул намазларның вакытлары белән таныштырды. Балаларыбыз хәзрәткә үзләренең белгән догаларын яттан сөйләп күрсәттеләр. Әңгәмә ахырында Рушан хәзрәт балаларга тәмле туңдырма өләште. Без рәхмәтебезне әйтеп бакчабызга кайттык һәм тәмле туңдырмадан авыз иттек.

23 июльдә без балалар белән бергә Бөтендөнья китлар һәм дельфиннар көнен билгеләп үттек.
Бу көнне балалар гаҗәеп диңгез тереклеге ияләре белән якыннанрак таныштылар. Балалар белән дельфиннар һәм китлар турында әңгәмә үткәрдек, матур рәсемнәр карадык. Ачык диңгездә яшәүче дельфин һәм китлар турында әкият тыңладык һәм пластилиннан тылсымлы китлар һәм дильфиннарны ясадык.
Бу көн балаларга хисләр диңгезе бүләк итте һәм хәтердә якты эз калдырды.