Ял иту өчен җәмәгать урыннары турында сөйләштек бу атнада. Театр, концерт залы, цирк, курчак театры булуын балаларга аңлаттык. Балалар белән төрле рәсемнәр ясадык, клоуннарга киемнәр кисеп ябыштырдык. Атнабызның темасын йомгаклап без кечкенәләр төркеме балалары белән кунакка Тимошаны чакырдык. Клоун төрле уеннар уйнатып балаларның күңелен күрде, кәефләрен кутәрде, шатландырды

Чишмәләр иле син, Туган як!
Еракка китмәгез, су сорап.
Бу җирдә таулардан көй алып,
Чишмәләр яшиләр чылтырап.
Ә.Исхаков.

Атнабызның темасы "Йорт җиһазлары".Шул максаттан балалар белән йорт җиһазлары турында әңгәмәләр үткәрдек, рәсемнәр карадык, "Йорт җиһазлары кибете" дигән сюжетлы рольле уен уйнадык. Темабызны йомгаклап кечкенәләр төркеме балалары белән авылдашыбыз Мифтахов Ранильләрнең йорт җиһазлары ясый торган остаханәсендә сәяхәттә булып кайттык. Балалар остаханәдә төрле эш кораллары белән таныштылар. Заказга ясалып куелган матур шкафларны күзәттеләр. Матур шкафларның ничек барлыкка килүе турында Раниль абыйлары балаларга аңлатып һәм эшләп күрсәтте

Воспитанница старшей группы Нургалиева Айзиля Даниловна участвовала в Всероссийском фотоконкурсе "Лето в кадре" 
Айзиля, ты молодец 

Балалар белән үзебезнең авылыбызда урнашкан "Фасоль" кибетендә кунакта
Балалар кибеттә сатуда булган азык-төлек һәм башка көнкүреш-кирәк яраклары, аларның көндәлек тормышта ни өчен кирәк булуы, бәяләре белән таныштылар
Кызларның күбесе үскәч сатучы һөнәрен сайлаулары, кибетче апай буласы килү теләкләрен җиткерделәр

Мәчет- ул Аллаh йорты! Тарихта да авылларның дәрәҗәсе аның мәчет-мәдрәсәсе булуы белән билгеләнгән. Ә азан... Азан кешеләрне Аллаһы Тәгаләгә гыйбадәт кылырга, намазга чакыра. Азан тавышы матур тойгылар тәрбияли. Күңелендә иманы булган кеше бу тавышны якын итеп кабул итә, аңа кушыла, догасын кыла, күңелендә рухи байлык туплый.
Безнең Иләбәр авылының күркәм мәчете бик матур урынга салынган. Мәчет – авылыбызның горурлыгы, халкыбызның яратып, хөрмәтләп, киләчәккә ышаныч белән йөри торган изге гыйбадәт йорты. Аннан сафлык-чисталык бөркелеп тора.
Без үзебезнең зурлар төркемендә тәрбияләнүче балалар белән мәчеткә юл тоттык. Анда безне үзенең ачык йөзе белән авылыбызның абыстае Тәслимә апа Сираҗиева каршы алды. Ул балаларны Изге Коръән, тәсбих белән таныштырып, намаз алу тәртипләрен аңлатты. Балалар Тәслимә апалары белән берлектә эшләп карадылар, һәр бала үзләре белгән догаларны яттан сөйләде.
Мәчет булган авылда бәхеттә бар. Авылыбыз тынычлык, дуслык төбәге булсын. Авылыбызның иманлы булуына шатланабыз. Аллаһ йортыннан илаһи дәва, нур сибелә, аллага шөкер 

Зурлар төркеме балалары белән хуҗалыкта тәрбияләнүче атларны күрергә, алар белән якыннан танышырга барып кайттык. Балалар үзләренә ошаган атлар белән фотога төштеләр, атларны сыйладылар, якыннан сыйпап карадылар.
Атлар элек - электән кешенең дусты булган. Ат— тырыш хайван, дус, көрәштәш. Без ат чабышларында, Сабантуенда аларга карап сокланабыз!!!

Вместе со взрослой группой детей мы побывали в хозяйстве, чтобы увидеть лошадей, познакомиться с ними поближе. Дети фотографировались с понравившимися им лошадьми, угощали их, присматривались. Лошади издавна были друзьями человека. Лошадь- трудолюбивое животное, друг, соратник. Мы восхищаемся ими на скачках, Сабантуе!!!

Җәйнең матур июль аенда балалар белән каенлыкка сәяхәткә бардык
Табигатьнең матурлыгына, гүзәллегенә сокландык. Саф һавасын сулап, каен агачының үзлекләрен, кеше тормышына ни өчен кирәклеге турында әңгәмә кордык.

В прекрасный летний июль мы с детьми отправились в путешествие в Березки.  Мы восхищались красотой природы. Вдыхая свежий воздух, мы беседовали о свойствах березы, о том, зачем она нужна для жизни человека.

8 нче июль - Халыкара Гаилә көне!!!
ГАИЛӘ- ул дөньяда яшәүче парларга бердәнбер , кабатланмый торган ышаныч, терәк урыны.
Гаилә - ул җан тынычлыгы таба торган урын.
Гаилә - ул бик нык яраткан эшеңне эшләп арыганнан сон, йөрәгенә тынычлык, шифа бирә торган бик изге бер урын.
Гаилә - ул менә шушы дөнья мәшәкатьләреннән, борчуларыннан, гаделсезлек, хәсрәтләнүләрдән ял итә торган урын.
Гаилә ... 5 хәрефтән генэ торган шушы сүздә нинди тирән мәгънә ята. Гаилэ ул- әти, әни, балалар. Баш өстендә бер тубә, бер үк фамилияләр, озын, буыннан- буынга өзелмичә дәвам итүче тирән тамырлы нәсел җебе.
Барыгызны да гаилә көне белән кайнар котлыйм, гаиләләребез гә иминлек, татулык, ныклы сәламәтлек
телим, балалар куанычын, игелеген куреп, дөньяларыбыз тынычланып, рәхәт тормышларда яшэргэ язсын! Бәйрәм белән

Җәйнең матур бер көнендә без балалар белән, ел саен яратып бара торган Мишә елгасы янына экскурсиягә бардык. Балаларның яратып куллана торган сүзләре "пикник" оештырдык. Юлы ерак булса да балалар армадылар, төрле яратып уйный торган уеннарны уйнадык. Табигатьнең матурлыгына сокланып, истәлеккә фотога төштек.
"Гөлфия" чишмәсендә кулларны, битләрне юдык, чишмә суынын мул агуына игътибар иттек, чишмә янына утыртылган куак- чәчәкләрне күзәттек.
Безнең белән бергә иҗатташ яраткан китапханәчебез Вәсилә апа да барды. Ул балаларны тәлинкә өстендәге матур, эчтәлекле, кечкенә китаплар белән таныштырды. Аннары балалар укылган китаплар буенча фикер алыштылар.