Сегодня в детском саду прошло тематическое мероприятие "Безопасный самокат"

Провели с детьми профилактическую беседу о правилах дорожного движения  и передвижения на самокатах. Игры: "Веселые старты на самокатах"

"Веселый самокат", "Змейка", "Такси", "Светофор", "Кто быстрее?"

Зурлар һәм кечкенәләр төркеме балалары белән самокатта йөрү, аның куркынычсызлык кагыйдәләрен искә төшереп, балалар белән төрле уеннар уйнадык. Балаларга иң ошаганы, самокатны такси итеп кулланып, шалтыратып сораган сатып алучыларга уенчыклар алып кайту булды

Бүген зурлар төркеме балалары белән Иләбәр авылында яшәүче Муртазин Артур абыйлары һәм Зилә апайларының үз куллары белән булдырган күл буенда кунакта булдык 
Әкияти сихри дөнья  Күлдә аккошлар, үрдәкләр йөзеп йөри. Күлдә йөреп килим дисәң, янында гына көймә дә бар.
Ул сандугач тавышы, үзәкләрне өздереп матур итеп сайрый!!! Балалар башка кошларның сайравын да тыңлап хозурландылар.
Балаларга бик ошады, мондый әкияти сихри дөнья өчен Зилә апайлары белән Артур абыйларына зур рәхмәт 

  Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк.
  Бакчабызда тәрбияләнүче балалар белән урамда асфальтка төсле рәсемнәр ясап хозурландык. Балалар үз фантазияләре белән төрле әкияти рәсемнәр ясадылар. 
Шундый якты, шундый көләч
Беренче көне җәйнең,
Назлап кына сыйпап сөя,
Кочагыдай әнинең.
Балаларны яклау көне -
Шундый матур бәйрәм бар,
Мәйдан тулы бала-чага,
Балаларга урам тар.
Бәхетле безнең балачак,
Яклау-саклаулы булгач,
Чыңлап тора җырларыбыз,
Чәчкәгә, нурга тулгач.
Бәйрәм белән, балалар !!!!!

Балаларның ышанычын югалтмыйк, аларның өметләрен аклыйк, аларны тагын да бәхетлерәк итәр өчен тырышыйк, аларны яратыйк!  Балаларның барлык хыяллары тормышка ашсын! Аларның рәхмәтле һәм бәхетле күз карашы безнең барыбызга да - бүләк! Бүген балаларны яклау көне уңаеннан  район күләмендә үткәрелгән күңелле спорт ярышларында катнаштык.

20 май көнне районыбызның Саба яр буенда булып узган чарада тәрбиячебез Вахитова Энҗе Габделбәр кызын район башлыгы Миннеханов  Рәис Нургали улы тәбрикләде.
Алга таба да исән-сау эшләргә насыйп булсын.

Зурлар төркеме балалары белән кисеп-ябыштыру шөгылендә күбәләкләр турында әңгәмә корып, аларның төрләре белән танышып, төрле төстәге күбәләкләрне үрнәк ярдәмендә кисеп ябыштырып бизәдек.

18 май - Халыкара музейлар көне буларак билгеләп үтелә. Музей ул - үзе бер дөнья, анда халкыбызның үткән тормышы, мәдәнияте һәм сәнгате үсеше, тарихны барларга ярдәм итә.
Шул уңайдан, без зурлар төркеме балалары, авылыбыз китапханәсендә урнашкан музейга экскурсиягә бардык. Музейда булган тарих, элек әби-бабайлардан калган мирас белән таныштык.

Гаилә! Никадәр шатлык, никадәр тантана бу сүздә! Бала hәм гаилә. Бу ике сүз тыгыз бәйләнгән, баланы гаиләсез, гаиләне баладан башка күз алдына китерүе кыен. Тату гаилә – ил терәге, Бала өчен иң кирәге. Тату гаилә бердәм булса, Бала бәхетле була. Ә нәрсә соң ул гаилә?
Без бүген балалар белән шул турыда әңгәмә корып, һәр бала үз гаиләсен рәсем дәфтәре битләренә ясадылар. "Гаилә көне" белән.

Тузганак – дару үләне.
Шифасы аның төрле.
Беләсез микән, балалар,
Бу чәчкә бик тә серле!
Кояш сыман алтын төсле,
Ачыла ул таң аткач.
Бөтенләй йомылып бетә,
Кичен кояш баегач.
Шуңа да бит тузганакны
"Кояш чәчкәсе", диләр.
Аның яшертен серләрен
Ачалмый әле күпләр...

11май көнне Биектау районы Яңаширмә "Йолдыз" балалар бакчасында "Иң милли тәрбияче - 2023" бәйгесенең йомгаклау туры үткәрелде. Бәйгегә Саба, Балтач, Чистай, Теләче, Биектау һәм Казан шәһәреннән килгән тәрбиячеләр җыелган иде. Алар "Иң милли тәрбияче- 2023" исеме өчен көч сынаштылар. Ике биремнән торган сынауда үзләренең милли белемнәрен, педагогик мәсьәләләрне чишә белү осталыкларын күрсәттеләр.
"Иң милли тәрбияче - 2023" исемен үзебезнең тәрбиячебез Вахитова Энҗе Габделбәр кызы яулады.