Буген 23 нче декабрь көнне кечкенәләр төркеме балалары белән "Тылсымлы сандык" дип исемләнгән яңа ел иртәсе үткәрдек. Бәйрәмебезгә яраткан әкият геройларыбыз - Аю, Куян, Кар кызы, Кыш бабай кунакка килде. Кыш бабайга үзебезнең өйрәнгән шигырьләребезне сөйләдек, матур җыр-биюлэребезне биедек, күңелле уеннарыбызны уйнадык. Бәйрәм ахырында "Яңа ел символы" дип исемләнгән кул эшләренә нәтиҗә ясап, Кыш бабай  һәрбер гаиләне мактап грамота, бүләкләрен тапшырды. Барлык әти-әниләребезгә зур рәхмәтебезне белдерәбез. Барыгызны да якынлашып килүче Яңа ел белән котлыйбыз! 

Балаларыбыз өчен бәйрәм кәефе һәм уңай эмоцияләр булдыру максатыннан, ата-аналар һәм балалар бакчасы хезмәткәрләре көче белән кар сыннары ясадык.

Яна ел алдыннан төркемебезгэ матур, сихри ямь өстәү максатыннан, балаларыбыз белән берлектә булмәбезне, тәрәзәләрне тылсымлы бизәкләр белән бизәдек.

Балаларда табигатькә сакчыл караш булдыру,
агачларның кирәклеге турында күзаллауны формалаштыру максатыннан балалар белән ачларның файдасы турында әңгәмә үткәрдек һәм рәсем ясадык.

Бүген 9 декабрь -Ватан Геройлары көне. Ватан Геройлары көне-безнең өчен истәлекле дата. Бу көн илебез геройлары тарафынннан нинди батырлыклар эшләнүе турында хәтерне саклау булып тора. Без каһарман ата-бабаларыбызны, Советлар Союзы Геройларын, Россия Федерациясе Геройларын, Дан ордены кавалерларын хөрмәтлибез.

6 декабря на базе МБДОУ "Арского детского сада №1 общеразвивающего типа " был проведен 3 финальный тур Республиканского детского вокального конкурса "Голосок -Көмеш тавыш". Воспитанник нашего детского сада Саматов Сулейман занял на конкурсе 3-ье почетное место среди 30-ти участников.

Кечкенәләр төркеме балалары белән кисеп - ябыштыру эшчэнлегендэ "Матур квадрат һәм түгәрәкләр" ябыштырдык. Хат ташучы алып килгән уенчыкларны кузәттек аларны чагыштырдык. Аларның аермаларын атарга өйрәнү максатыннан балалар белән "Үз өеңне тап" уенын уйнадык.

"Мәхәббәт аша тәрбия. Бишек җыры" проекты бәйгесенең "Рухи тәрбия" номинациясендә җиңү яулаган өчен безнең "Иләбәр авылы "Умырзая" балалар бакчасы ДИПЛОМ белән бүләкләндек.

Илебездә билгеләп үтелә торган күпсанлы бәйрәмнәр арасында әниләр көне аерым урын алып тора. Бәйрәмнең максаты – хатын-кызга сакчыл караш традицияләрен хуплау, гаилә нигезләрен ныгыту, безнең тормышта төп кешенең – әнинең әһәмиятен аеруча билгеләп үтү. Бу бәйрәм беркемне дә битараф калдыра алмый.
24 нче ноябрь көнне кечкенәләр төркеме балалары белән яраткан әнилэребезне кунакка чакырып "Кәҗә бәтиләре һәм бүре" әкиятенә нигезләнеп, "Әнием-кадерлем" дип исемләнгән бәйрәм үткәрдек. Бәйрэмебез матур җырлар, биюләр белән урелеп барды. Балалар үзләренең матур теләкләрен шигырь юллары белән җиткерделәр.
Мөлаем һәм ягымлы кузле, акыллы, сабыр һәм түземле, шәфкатьле, авыр вакытларда арканы сыйпаучы кадерле куллы, боз эретерлек җылы сүзле, бала өчен кайгырып, төннәрен күз йоммаучы әниләребез, сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер, рухи көч, тормыш зирәклеге, сабырлык, бәхет, гаилә тигезлеге, тыныч-имин көннәр телибез.

За участие во Всероссийском конкурсе детей дошкольных образовательных организаций по теме "АЗБУКА ФИНАНСОВОЙ ГРАМОТНОСТИ" Галиева Хаят награждена дипломом победитель