7 февральдә Татарстан Республикасы Дәүләт гербы көне билгеләп үтелә. Шул уңайдан, балалар белән "Герб тарихы"дигән мәгълүмат минуты үткәрелде. Балалар канатлы барс турындагы легендаларны зур игътибар белән тыңладылар һәм гербта сурәтләнгән һәр символның әһәмиятен белделәр. Шулай ук гербны буяяп, һәр төснең нәрсә аңлатканын искә төшерделәр.

27нче гыйнвар - илебездә хәрби дан көне - Ленинград блокадасын тулысынча өзү көне буларак билгеләп үтелә. 872 көн буена дәвам иткән камалышның кайтавазы бүген дә онытылмый. Шул уңайдан без дә, бакчабызга йөрүче балалар белән, "Блокада карлыгачы" дип аталган патриотик акциягә кушылдык.

Бүген бакчабызга йөрүче балалар белән "Saba-balahoner" проектында катнаша башладык. Иң беренче балалар иҗат үзәгендә балаларга паспортлар тапшырылды, проект турында аңлатылды. Ак Барс Банк һәм МПП ЖКХ станцияәрендә булып, әлеге оешмаларда эшләүчеләрнең һөнәрләре серләренә төшенделәр, үзләре дә шул һөнәр ияләре булып карадылар.

Урамда - кыш, чаңгы-чана шуар чак. Безнең бакчага йөрүче балаларыбыз да рәхәтләнеп саф һавада сәламәтлекләрен ныгыталар.
Чаңгычының чаңгысы
Шуа-шуа шомара.
Чаңгың шомарсын дисәң,
Кирәк ешрак шуарга.

Бакчабызда әлеге атна һөнәрләр темасы буенча үтә.
Еллар үтәр, бүгенге сабыйлар зур кызлар һәм егетләр булып үсеп җитәрләр. Алар алдына һөнәр сайлау мәсьәләсе килеп басачак. Бу - бик катлаулы һәм җаваплы бурыч, чөнки гомерлек юлны сайлау, дигән сүз. Сюжетлы-рольле уеннар аша башкарылучы бу эш балаларга олылар дөньясы турында күзаллауларын киңәйтергә, аларның һөнәрләре белән кызыксыну уятырга, хезмәткә хөрмәт тәрбияләргә ярдәм итә. Ә бүген безнең балаларыбыз табиб, пешекчеләр булдылар, шулай ук әниләребез ярдәме белән ясалган тәм-томнардан бәйрәм өстәле дә әзерләделәр.

Бүген Искечә Яңа ел уңаеннан Кыш бабай килде бакчабызга. Балалар Кыш бабайга үзләренең җыр-биюләрен башкардылар, уеннар уйнадылар.

Саф һавага чыгып,
Таудан чана шуып,
Кышның салкыннарын
Җибәрәбез, куып.Ә кыш, көлә-көлә,
Битебездән үбә.
Алсу була безнең
Битләр шуңа күрә.Бакчабызда әлеге атна "Саулык- зур байлык" темасына багышланды. Балалар, әти- әниләр белән бергәләп ясаган тауда, рәхәтләнеп чана шудылар, саф һавада уйнадылар.

Алланып таңнарның алына,
Нур булып кешелек таңына,
Җыр булып үрелеп күңелгә,
Кил безгә, Яңа ел, кил безгә!
Кояшлы көннәрнең җылысын,
Бәхетнең, шатлыкның олысын
Күтәреп көннәрнең иңенә,
Рәхим ит Туган ил түренә!
                Энҗе Мөэминова.

      30 декабрь көнне  бакчабызда тәрбияләнүче балаларыбыз өчен Яңа ел бәйрәме үткәрелде. Балалар бик теләп үзләренең талантларын күрсәттеләр: биеделәр, шигырьләр сөйләделәр, җырлар җырладылар, уйнадылар. Беркем дә читтә калмады. Кыш бабайның үз кулыннан тапшырылган бүләкләр балаларда шатлык һәм сөенеч хисләре уятты. 

Кыш бабай килгән.

Безгә Кыш бабай килгән,
Яңа ел алып килгән. 

Капчыгына күп итеп
Бүләкләр салып килгән.

Көттек сине, сагынып,
Исән-саумы, Кыш бабай?
Өләш бүләкләреңне,
Капчыгыңны чиш, бабай.
Рәфис Корбан.
Бүген бакчабызга Кыш бабай белән Кар кызы килеп, балаларны сөендереп, бүләкләр өләшеп киттеләр.

Кыш җиттеме, кошлар өчен
Без ашханә ачабыз.
Һәм кошларга эндәшәбез:
– Рәхим итеп ашагыз!