Тәмле җәй

Аланнарда – җиләк исе,

Басуларда – иген исе,

Җәйләүләрдә – сөт исе…

Тагын аллы-гөлле чәчәк,

Кайнар кояш өстисе –

Шушы булыр җәй төсе!

Ш. Галиев

Җәй безгә нинди уңышлар бирә? Әңгәмә үткәрдек. Бакчаларда нинди уңышлар җыеп алуларын балалар узыша-узыша сөйләделәр. Атна темасын төгәлләп ындыр табагына бардык. Басудан кайткан бөртеклеләрне ничек эшкәртүләрен күзәттек.

Комның үзенчәлекләрен өйрәндек. Тәҗрибәләр үткәрдек. Комнан төрле корылмалар ясадык. Иң оста төзүчене сайлап алдык.

Чәчәккә кунган күбәләк,

Күзен йомып утырмый.

Канат җәеп очып китә

Еласаң да тоттырмый.

Бөҗәкләр иленә сәяхәт атна темасын төгәлләп күбәләк, камка, энә карагы рәсемнәре ясадык. Бөҗәкләрнең үзенчәлекләрен, файдаларын өйрәндек.

  Чәчәкләр- безнең тормыш бизәге.  Җир йәзенә матурлык тарату белән беррәттән, алар кешелек доньясына шифа бирүче дә. Бакчабызда “Чәчәкләр” атналыгы уңаеннан  балалар белән чәчәкләрнең үзлекләре , төрләре турында мәгълүмат тупладылар, биремнәр эшләделәр.Төрле-төрле чәчәкләрдән букет ясадык. Бакчабызда үстергән чәчәкләр белән таныштык.Балалар бик кызыксынып катнаштылар.

Табигать безгә сәламәтлегебез өчен бик куп төрле хәзинә бүләк итә. Ул хәзинәне күрә белергә, аларның кыйммәтен аңлый хәм аларны файдалана белергә генә кирәк. Шул уңайдан бакчабызда “Табигать. Үсемлекләр дөньясы” атналык темасы буенча без балалар белән авылыбызның саф сулы “Мадьяр” чишмэсенә сәяхәткә чыктык. Анда без төрле дару уләннәре, чәчәкләр белән таныштык. Чишмә янын чүпләрдән арындырдык, аның тәмле суыннан авыз иттек

Дару үләннәрен җыеп алып кайтып, киптереп, шулардан “Дару уләннәре” китапчыгы ясадык. Ахырдан рәсемнәрен буяп, витаминлы чәйдән авыз иттек.

Әлеге атна төрле табигый материаллар белән тәҗрибәләр үткәрүгә багышланды. Балалар белән суны буяп, вулкан ясап, "диңгездә" дулкыннар ясап уйнадылар.