«Язгы  игелек  атналыгы»  акциясе  кысаларында   Түбән  Шытсу  төп  гомуми  белем  бирү   мәктәбе   укучылары   475 кг   маклатура  җыеп   тапшырдылар.  Маклатура  җыеп  кергән акчага   уку  кирәк-яраклары  алып,    Икшермә  “Тургай”  балалар   йортына  бүләк  иттек.

21 апрель көнне Түбән Шытсу төп мәктәбеннән Габдрәкыйпова Камилә (7 сыйныф) һәм Гыйниятова Зәлия (8 сыйныф)  республикакүләм “Илһам” яшь язучылар бәйгесенең йомгаклау этабында катнашты.  Алар  диплом һәм истәлекле бүләкләр  белән бүләкләнделәр.Алга таба да укучыларыбызга иҗатларында яңа үрләр насыйп булсын!

22 нче апрель көнне Түбән Шытсу төп мәктәбенең 6 сыйныф укучысы Шарифуллин Рәзил I Регионара "Халкым мирасы" татар балалар фольклоры фестиваль-конкурсында катнашып, ”Халык уен кораллары” номинациясендә I дәрәҗәдәге лауреат исеменә лаек булды. Рәзилгә алга таба да иҗади уңышлар телибез!

21 нче апрель - Җирле узидарә көне буларак билгеләп үтелә. 22 нче апрель көнне Түбән Шытсу төп мәктәбенең 5-9 сыйныф укучылары Шытсу авыл җирлеге башлыгы Мавлетов Булат Миндрахман улы белән очраштылар. Булат Миндрахман улы укучыларга үзенең эше, нинди законнар белергә кирәклеген сөйләп үтте. Укучылар "Авыл җирлеге башлыгы булсам, нишләр идем?", дигән сорауга җавап бирделәр. Җирле үзидарә органнарына территорияләрнең социаль-икътисади халәте, халыкның тормыш шартларын яхшырту, аны тагын да уңайлы итү буенча зур җаваплылык йөкләнгән. Муниципаль хезмәт барлык өлкәләрдә тирән белем, җаваплылык хисе, үз-үзеңне һәрчак контрольдә тотуны, тәртипле булуны таләп итә. Үз халкыңа хезмәт итүдән дә дәрәҗәлерәк һөнәр юк. Сезгә туган төбәгебез, халкым мәнфәгатьләрен кайгыртып яшәр һәм эшләр өчен нык сәламәтлек, барлык якты хыялларыгызның тормышка ашуын телибез.

Бүген мәктәбебездә "Чисталык көне"оештырылды. Түбән Шытсу төп мәктәбенең укучылары мәктәп территориясен чупләрдән чистарттылар.

22 апрель - Җир көне буларак билгеләп үтелә.Җир планетасының экологик торышы турында, табигатьнең гүзәллеген, байлагын күрә белергә өйрәтү; җирнең барлык тереклек ияләре өчен уртак йорт булдыруга басым ясау, сакчыл караш, кешелеклелек, киң күңеллелек сыйфатлары тәрбияләү йөзеннән үткәрелә.Әлеге дата кысаларында #ДОБРЫЙТАТАРТСАН#МЭРХЭМЭТЛЕТАТАРСТАН акцияләре уза. Шул уңайдан мәктәбебездә "Зәңгәр күзле җирем" дигән кичә үткәрелде. Җир - ул гомум байлыгыбыз, без аны сакларга, кадерен белергә тиешбез. 

Табигатьне саклау -һәр кешенең изге бурычы ул. Безнең планетабыз бик нык пычранган, без зур бер чүплектә яшәгән кебек, ләкин халык әле моны аңлап бетерә алмый. Сулаган һавабызның, эчкән суыбызның, атлаган җиребезнең  чисталыгы, сафлыгы  - барысы да үзебезгә бәйле. Шуңа күрә тирә-як мохитебезгә карата битараф булмый, аны күркәм килеш киләчәк буыннарга да җиткерә алсак иде. Мәктәбебездә экология елына карата 5-9 сыйныф укучылары белән экологик дәрес һәм экологик диктантлар үткәрелде.

Бүген мәктәбебездә 8 сыйныф укучылары арасында баскетбол, ә кечкенә укучыларыбыз, 1 сыйныфлар, арсында шахмат ярышы булды. Баскетбол ярышында дуслык җиңде, шахмат ярышында иң оста уйнаучылар булып, Файзрахманов Рамиль, Хабибуллина Зәлинә, Хидиятуллина Филсинәләр булдылар.Укучыларга уңышлар теләп калабыз!

Түбән Шытсу төп мәктәбендә  Донорлар көне булып үтте. Бу көн, беренче чиратта, донорларның үзләренә - бөтенләй таныш булмаган кешеләрнең сәламәтлекләре һәм гомерләре өчен үзләренең каннарын риясыз бирүче кешеләргә багышланган. Бу көн шулай ук донорлар канын алучы һәм аны тикшерүче медицина хезмәткәрләренә багышланган. Бәйрәмне үткәрергә сәбәп булып тарихта иң мөһим вакыйга - 182 ел элек 1832 елның 20 апрелендә яшь петербург акушеры Андрей Вольфның каны киткән бала табучы хатынга кан җибәрүне беренче тапкыр уңышлы үткәрүе торган. Хатын-кызның гомере табибның дөрес эшләве һәм пациентканың иренең донорлар каны ярдәмендә коткарылган. Илебездә беренче уңышлы кан җибәрү истәлегенә 20 апрель Милли кан донорлары көне итеп игълан ителгән. 

Әлеге бәйрәм көне җәмгыятьне кан хезмәтенә һәм Россиядә бушлай кан тапшыру проблемаларына игътибарны юнәлтүгә йөз тота, шулай ук донорларның бәһасез каннарын бүләк итүләре өчен рәхмәт белдерүгә сәбәп булып тора.
Бүген мәктәбебездә донорлар турында әңгәмәләр уздырдык. Башлангыч сыйныф укучылары белән рәсемнәр ясадык.

Бүген мәктәбебездә  "Дәүләт хезмәте күрсәтү порталы - безнең ярдәмчебез" темасына әңгәмә үткәрелде һәм буклетлар яасп өләшенде.