13-17 апрельгә кадәр мәктәбебез күләмендә макулатура җыю акциясе бара.Бүгенге көндә укучылар тарафыннан 185,5 килограмм макулатура җыйналды. 

Табигать – безнең туган йортыбыз. Аны яратырга һәм сакларга кирәк. Табигатьтә бөтен нәрсә үзара бәйләнгән. Әгәр дә без урманнарны һәм табигатьне пычратсак, андагы кош-кортлар барсы да үлеп яки качып бетәрләр. Аларсыз табигатьне күз алдыгызга китерегез әле: бөтен агачлар корыган, чәчәкләр сулган, кошлар сайрамый. Ошармы инде бу безгә, әлбәттә, юк. Кешенең саксызлыгы аркасында республикабызның "Кызыл китабы” калыная бара. Димәк, күпме үсемлек, кош-корт, хайван, бөҗәкләр юкка чыга бара дигән сүз. Мондый хәлгә калмас өчен, безгә табигатьне сакларга кирәк.

2017 ел Татарстанда Экология һәм иҗтимагый киңлекләр елы буларак игълан ителде. Шул уңайдан 4 һәм 5 сыйныф укучылары “Экология елы” дигән темага проект эше тәкъдим иттеләр. Укучылар үзләренең проект эше белән, туган табигатебезне, булдыра алганча, сакларга, һәм безнең барыбызның да тырышуларыннан кешелекнең хуҗалык эшчәнлеге нәтиҗәсендә табигатькә карата начарлыклары кимүен дәлилләргә тырыштылар.

Бүген Космонавтика көне. Моннан 56 ел элек  дөньяда  беренче тапкыр кеше  Космоска күтәрелә. Космосны өйрәнү, галәмгә кагылышлы булган фәнни экспериментлар егерменче гасырның 50 нче елларында көн кадагына куела. Алдынгы державалар үзара "көч сынашалар", ашкынып коралланалар, фәндә яңадан-яңа ачышлар ясала. Шушы сәяси вәзгыять агымында космик киңлекләрне өйрәнү буенча  беренчелекне Советлар Союзы яулауга ирешә. Беренче ясалма иярчен очырту, беренче тапкыр тере хайваннар белән ракетаны галәмгә күтәрү һәм ниһаять, беренче тапкыр кешенең Космоста булып кайтуы. Бер сәгатьтән әз генә артыграк булган әлеге очыш фән өлкәсендә искиткеч зур сикереш ясый. Юрий Гагарин исеме тиз арада дөньяның бөтен почмакларында киң таралыш таба. Шушы уңайдан бүген мәктәбебездә укучылар өчен видеоязмалар карау оештырылды. Укучылар космос һәм  Ю.Гагарин турындагы  видеоязмаларны бик кызыксынып карадылар.

Гаилә һәм балаларны социаль яклау бүлегеннән, психолог Шамсутдинова Р.Р. һәм социаль педагог Агилова Г.Ф. 1 - 6 сыйныф укучылары каршында "Ничек үзеңне якларга һәм сакларга" дигән темага чыгыш ясадылар. Алар укучыларга таныш булмаган кешеләр белән аралашмаска, таныш булмаган кешеләрнең машиналарына утырмаска кирәклеге турында аңлату эшләре алып бардылар һәм ахырда видеороликлар күрсәттеләр. Укучыларга бик кызыклы мәгълүмат җиткергәннәре өчен психолог Шамсутдинова Р.Р. һәм социаль педагог Агилова Г.Ф рәхмәтебезне белдерәбез.

Буген 2-3 нче сыйныф укучылары арасында "Кошлар кайта туган җиребезгә" дигән темага КВН үткәрелде. Укучылар үзләренең тапкырлыкларын, зирәклекләрен сынадылар. Сорауларга, табышмакларга җавап эзләделәр. Ахырда дуслык җиңде. Укучыларга алга таба да кошлар турындагы белемнәрен тирәнәйтүләрен теләп калабыз.

6 нчы апрель көнне "Күңелле инглиз теле" түгәрәгендә укучылар "Без сәяхәт итәбез" дигән темага үзләренең проект әшләрен тэкъдим иттеләр. Алар проект эшләрендә кайсы илгә сәяхәт итәргә теләүләрен күрсәтеп, шул ил турында сөйләделәр. Бик актив катнашучылар 1 нчы сыйныфтан Багманова Фирүзә белән Файзрахманов Рамил, 3 нчы сыйныфтан Файзрахманова Камилә, Файзрахманова Рамилә, Шакирова Динәләр булдылар. Укучыларга алга таба да уңышлар теләп калабыз!

3 нче апрель көнне Түбән Шытсу төп мәктәбе укучыларының "Кошлар көне" уңаеннан ясалган рәсемнәренә нәтиҗә ясалды. 1 урын 8 нче сыйныфтан Закизянова Гөлнарга, 2 урын 9 нчы сыйныфтан Галимова Йолдызга, Гамирова Лилианага, 7 нче сыйныфтан Габдракипова Камиләгә, 3 урын 7 нчы сыйныфтан Низамиев Дәнифкә, 8 нче сыйныфтан Багманова Илүзәгә, Хуҗина Эльвирага булды. Катнашкан барлык укучыларга да рәхмәтебезне белдерәбез һәм киләчәктә уңышлар телибез! Молодцы!

Түбән Шытсу төп мәктәбендә, моннан 19 ел элек көрәшче Мәгъсүм абый Фәйзиев истәлегенә үткәрелә башлаган, көрәш бәйгесе узды. Мәгъсүм абый Югары Шытсу авылы фермасында мөгезле эре терлек үстерүче генә түгел, ә районыбызның танылган көрәшчеләренең берсе иде. Егерме яшендә район Сабантуенда 18 көрәшчене егып батыр калган, көрәшчеләр әйтмешли, ялтыратып-чалтыратып салган. Бүгенге көрәш тә аның якты истәлегенә багышланган иде. Бәйгене ачып җибәрергә Саба районынаннан да кунаклар килде. Таһир Гаптрахман улы белән Ирек Рамазан улы балаларга үзләренең җылы сүзләрен җиткерделәр.

Көрәштә районыбызның бик күп кенә авылларыннан 2003-2006 нчы елгы балалар катнашты. Түбән Шытсу төп мәктәбеннән дә җиңүче укучылар булды. Әйтик мәсәлән, 3 нче сыйныф укучысы Хидиятуллин Гәдел 1 нче урын, бертуганнар  Давлетшин Ильмаз (2 нче сыйныф)  һәм Инсаф (6 нчы сыйныф) 2 нче урынга лаек булдылар.   

Катнашкан укучыларны урын алулары белән котлыйбыз, аларга киләчәктә дә уңышлар телибез.

"Дубая" ансамбле "Без  бергә"  конкурсында  чыгыш  ясап  1  урынга  лаек    булды.

  Кадерле  Мансура   Назиповна!
 Сине  олы  бәйрәмең- 55 яшьлек  юбилеең  белән  чын күңелдән  котлыйбыз. Сиңа нык сәламәтлек, күңел тынычлыгы, гаилә шатлыгы, кайгы-хәсрәтсез  көннәр, ак бәхетләр, балаларыңның һәм  оныкларыңның  күңел җылысын  тоеп, игелекләрен күреп, бәхетлә  озын  гомер  кичерүеңне  телибез. Киләчәгең җыр  кебек  матур, кояш  кебек якты булсын.