Ветеран  укытучыбыз  Ризванова   Расиха  апаның  олы  юбилеее  уңаеннан  мәктәбебездә   портрет кичә  булды . Аны  котларга  төрле  елларда  укыткан  укучылары  килде .

          Ветеран  укытучыбыз  Ризванова  Расиха  апага 75  яшь .

  Хөрмәтле  Расиха  Шаяхметовна !  Сезне  ихлас  күңелдән  юбилеегыз  белән  котлыйбыз .Сезгә  саулык , озын  гомер телибез .

Ак  кәгазьдәй   сабый  күңеленә

Язмышларны  башлап  яздыгыз,

Өмет  тулы  күпме  күзләргә  Сез

Яшәү  чаткылары  салдыгыз.

Балачакның  сабыр  Әнкәсе  Сез ,

Балалар  дип  янып  яшисез.

Ходай  Сезгә  озын  гомер  бирсен

Рәхмәт  Сезгә , чып- чын  Кеше  Сез!

  Изге  теләкләр  белән укытучылар  коллективы .

      Бүген  көн  гадәттәгечә  башланмады .Мәктәп  ишегеннән  керүгә  һәр  укытучыны     чәчәк  һәм  открытка тоткан   укучылар  каршы  алды .Бәйрәм   дәресләрдән  соң  укучыларның  концерты  белән  дәвам  итте .

   Бүген  мәктәбебездә   әти - әниләр  өчен  "Ачык  ишекләр"  көне  .  Һәр  класста  дәресләр  каралды . Аннан  соң  класс   җитәкчеләре  белән    сыйныф  бүлмәләрендә

түгәрәк  өстәл  артында  сөйләшү  булды .

     Тормыш  юлларын  мәктәп  белән  бәйләп  гомер  иткән  Хасаншин  Шамил  һәм  Нурлыбанат  апаларның   кавышып   яши  башлауларына  50  ел  тулды.Аларны  район  мәдәният йортында   хөрмәтләү  бәйрәмендә  катнашып  котладык , аларның  тормыш  юлы  турында  буклет  эшләдек .Аларга  саулык ,тыныч  тигез  тормыш  телибез .

"Халык  уен  кораллары"   ансамбле  Саба  мәдәният  сәхнәсендә   чыгыш  ясап  зона  конкурсына  үтте. Аларга  алга  таба  да  уңышлар  телибез !

  Классларда  "Мин- бала !Мин - гражданин!"  дигән  парламент  дәресләре  үтте. Дәрестә Саба  муниципаль  район Советы депутаты  Гайнуллин  Ф.Г.  катнашты .

                             Барлык  укучылар  һәм  укытучылар  милләтләр  кроссына  чыктык.

Г.Тукайның 125 еллыгына багышланган "Ватан" иҗат фестивалендә "Дубая" халык уен кораллары ансамбле "Фольклор" номинациясендә 2 урын яулады.Хәзер алар 2 турга әзерлзнәләр. Киләсе турда да уңышлар телибез!

       17  сентябрь  көнне  укучыларыбыз  Сабада  үткәрелгән   кросста  катнаштылар . 11  сыйныф  укучысы  Гиниятова  Алия  2  урынны  яулады. Уңышың  белән  котлыйбыз,Алия!