Бүген  лагерьның  соңгы  көне. Көн  яңгырлы  булуга  карамастан , барлык  балалар  да  биредә  . Менә  кече  сабантуй  башланып  китте .Һәркем  уеннарда  катнашып  үзенең  көчен  сыный ,  бүләген  ала. Йөзләрдә  елмаю, бар  да  шатлана.

    Ни  арада 18  көн  сизелми үтеп  киткән . Эшләгән  эшләргә  йомгак  ясалды ,  лагерь   ябылу  тантанасы  үтте. 

     1941  нче ел 22  июнь... Сугыш... Нинди  авыр ,каһәрле, шомлы  сүз  бу . 1418  көн  дәвам  иткән  Бөек  Ватан  сугышында  27  миллионнан  артык  кешенең  гомере  өзелгән.

          Бресттан  Мәскәүгә  кадәр - 1000  чакрым, Мәскәүдән  Берлинга  кадәр - 1600  км . Барысы  -  2600  км . Поезд  белән  - 4  тәүлек, самолет  белән  4  сәгатьлек  юл. Җәяүләп ,үрмәләп  - 4  ел .

     Бөтен  ил  буенча        алганда  һәр  7  кешенең  берсе  һәлак  булган. Ә  күпме  яралылар , ятимнәр , күпме  тол  хатыннар !  Кеше  кайгысын  саннар  белән  генә  исәпләп  буламыни ?! 

   Митингка    без  тыл  ветераны  Сафин  Әмин  абыйны  чакырдык . Әмин  абый  үзенең  хәтирәләре  белән  уртаклашты .

                 Сезнең  батырлык  безнең  күңелләрдә  мәңге  тутыкмас. Моннан  соң  әниләргә - үзләренең  улларын , хатыннарга - ирләрен , балаларга    әтиләрен  бервакытта  да  сугышка  озатырга  туры  килмәсен .

Югары  Шытсу  авылы  китапханәчесе   Заһидуллина  В.М.  укучылар  белән  "Хайваннар  дөньясында"    дигән  викторина  үткәрде. Викторина  сораулары    кызыклы иде.Укучыларыбыз  бик  күп  яңа  мәгълүмат  алдылар.

     Лагерьның   беренче  атнасы  тәмамланды .  Бүген  2011  елның   мисс  һәм  мистеры  ачыкланды .Жюри  ярышка  нәтиҗә  ясады . Лагерьның  миссы  - Хамидуллина  Язилә  ,мистеры - Якупов  Айзат   дип  игълан  итте.Аларга  истәлекле  бүләкләр  тапшырылды . 

                   9  класслар  белемнәрен  математикадан   сыныйлар . Уңышлар  сезгә!

                     Лагерьда  ял  итүче  балаларыбыз  боз  сараена  бардылар .   

                                                Мәктәбебез  директоры  Флорид  Гильмулловичның  туган   көне.

Хөрмәтле  Флорид  Гильмуллович! Сезне  ихлас  күңелебездән  туган  көнегез  белән  котлыйбыз .

Бәйрәмегез  котлы  булсын,

Табыныгыз  гөрләп  торсын!

Теләкләр  шундый  Сезгә:

Бәхет , шатлык ,игелекләр ,

Җылы , ихтибарлы  сүзләр,

Саулык , байлык, чын  мәхәббәт ,

Җылы  караш  , сабырлыклар

Насыйп  булсын  үзегезгә!

Ихтирам  белән  укытучылар  коллективы.

  30  баланы  берләштергән   "Ал  җилкән"  сәламәтләндерү  лагеры  эшен  башлап  җибәрде.

   Бүген  9  сыйныф  укучылары  рус  теленнән   имтихан  бирәләр. Аларга зур  уңышлар   , нык   сәламәтлек  телибез !

                    11  сыйныф  укучылары  өчен  "Соңгы  кыңгырау"  бәйрәме  булды. Кабатланмас  мәктәп  еллары    артта  калды .Чыгарылыш  класс  укучыларына   сәламәтлек,уңышлар  телибез. 

Бүген  укыту  эшләре  буенча  директор  урынбасары  Мусина  Җәүһәрия  Хәниф  кызының  туган  көне .

    Хөрмәтле   Җәүһәрия  Хәниповна !  Ихлас  күңелдән  Сезне  туган  көнегез  белән  котлыйбыз .

Яшәгән  саен  яшәү  дәртең  артсын ,

Сәламәт  булсын  изге  йөрәгең .

Җаның  тыныч  канатың    нык  булсын  ,

Озын  булсын  гомерең .

Ут  уйнаткан  уңган  кулың

Талчыгуны  белмәсен.

Саулык , шатлык , куанычта  гына

Гөрләп  үтсен  алгы  көннәрең . 

Изге  текләкләр  белән  укытучылар  коллективы .

Дәресләрдән  соң  бакчада  эш  кайный :  түтәлләрне  казу  ,  суган  утырту  , карлыган  араларын  эшкәртү Һ.б.