24 - 29  октябрь  көннәрендә   мәктәптә  инглиз  теле  атналыгы  . Бүген "Helloween"  кичәсе   булды . Барлык  класс  укучылары  да  инглиз  телен  белүләрен  күрсәттеләр . 7  сыйныф  укучылары  аеруча  актив  булдылар :

инглизчә  матур  итеп  җырладылар , шигырьләр  сөйләделәр .

"Бадминтон"    түгәрәге  уңышлы  гына  эшләп  китте .Түгәрәккә  10  укучы  кызыксынып   йөри .

1 - 4  класслар  өчен  "Көзге  уңыш"  дигән  бәйрәм  кичәсе  булды . Укучылар  матур  итеп  җырладылар  , шигырьләр  сөйләделәр .Соңыннан  уеннар  уйнадылар. Укучыларга  "Уңыш  җыю" , "Яулык   бәйләтү"  , "Буталган  хәрефләр"  , "Бәрәңгесез  калма"    уеннары  ошады .

5 - 8  класслар  өчен  "Уңыш  бәйрәме"  үтте. Бәйрәмне  Кызыл  Калфак  һәм  Бүре   алып  барды . Командалар  төрле  конкурсларда  катнашып  , осталыкларын  сынадылар .

     9 - 11  класслар  өчен  "Көзге  бал"  бәйрәме  булды ."Кабак", "Борыч"  командалары  үзара  көч   сынашты .   Укучылар   "Туган  як  серләре"    дигән  презентация   якладылар , концерт  номерлары  тәкъдим  иттеләр. Соңыннан  күңелле  уеннар  оештырылды .Бәйрәмгә   студентлар  да  кайткан  иде .

    "Түгәрәк  уен"    (татар  халык  иҗатын    яктыртучы  мәгълүмати - популяр  альманах )   журналының    иҗат  төркеме  бездә  кунакта . Альманахның   баш  мөхәррире  Илсөяр  Иксанова, якташыбыз  Гөлсинә  Хамидуллина , художник  Алсу  Тимергалина   һәм  Рушания  Камаловалар  укучылар   алдында   эчтәлекле    итеп  чыгыш  ясадылар,  яңа  гына  беренче  саны  дөнья  күргән  "Түгәрәк  уен"   журналы  белән  таныштырдылар . Укучыларыбыз  Саба  районыннан , Шытсу , Елыш  авылларыннан  чыккан     данлыклы  шәхесләребез  турында  сөйләделәр .Очрашу  "Халык  уен  кораллары "  ансамбле  чыгышы  белән  тәмамланды .

"Ел  класс  җитәкчесе "  бәйгесендә  11  сыйныф  җитәкчесе  Габдракипова  Дилбәр  Әхтәмҗановна    җиңү  яулады . Аны  җиңүе  белән  котлыйбыз ,  уңышлар  телибез!

            Балалар  Думасы  спикерлары  Сабада  2011 - 2012  уку  елына  план  кабул  иттеләр , түгәрәк  өстәл    артында  эшлекле   сөйләшү  булды .

   8  октябрь  көнне  районның   спорт  комплексында   укытучылар  көненә  багышланган  уен - ярышта  катнаштык .Рәхәтләнеп  ял  иттек, яңа  көч  җыеп  кайттык. 

     "Дубая"   ансамбле  зонада  үткәрелгән  "Ватан"   конкурсында     1  урынны  яулап ,  республика   турына  үтте . Җиңүегез  белән  сезне !