Белем көне. Мәктәбебезнең  ишегалды матур чәчәк бәйләмнәре тоткан укучыларның шат авазына күмелде. Бүген беренче кыңгырау чыңы укучыларны беренче дәрескә дәште. Бу уку елында гимназиябез бусагасын 243  укучы атлап керә. Шуларның 27е беренче сыйныфка керүче нәни укучыларыбыз. Аларга, укытучыларга, әти-әниләргә уңышлар телибез. Белем бәйрәме белән!

Мәктәбебез каршында оештырылган “Дуслык” ял һәм сәламәтләндерү лагерена йөрүче укучылар белән Казан шәһәрендә экскурсиядә булдык. Экскурсия вакытында укучыларыбызны Кол Шәриф мәчете, Сөембикә манарасы белән таныштырдык, Кремль янында герой шагыйребез Муса Җәлилгә куелган һәйкәл янында булдык. Шулай ук музейда табигый хәзинәләр, күк җисемнәре белән танышу балаларга бик ошады.

Бүген мәктәп яны "Дуслык" ял һәм сәламәтләндерү лагерена йөрүче укучылар белән Өтернәс – Эзмә тарихи - мәдәни коплексына кергән Өтернәс шәһәрлегенә (җирле халык телендә Калатау дип йөртелә) экскурсия оештырылды. Максатыбыз - 1552нче елда борынгы ватаныбыз Казан ханлыгы рус гаскәрләре (басып алучылар) тарафыннан җимерелгәннән сон да, бәйсезлек, азатлык байрагы астында көрәшне дәвам иткән бабаларыбызның каршылык күрсәтү үзәгенә әверелгән крепость урынында булу, биредә барган каты сугышларда шәһит киткән бабаларыбызны искә алу иде.

   Халык авыз иҗатында табышмаклар аерым урын алып тора. Алар зиһенне баетуда, акыл сәләтен үстерүдә, уйлау – фикерләүне тирәнәйтүдә зур әһәмияткә ия. “Отканга – мәкаль, тапкырга – табышмак” дигән әйтем дә әнә шуңа ишарә. Бүген "Дуслык" ял һәм сәламәтләндерү лагерена йөрүче укучылар белән “Зирәкләргә, тапкырларга - табышмак”  дип исемләнгән КВН - кичә үткәрелде. Чарада 3 отряд катнашты..Балаларыбыз һәр сорауга тапкыр да, зирәк тә итеп җавап бирделәр. Кичә балаларга бик ошады. Чара электрон презентация белән тулыландырып барылды.

“Яңгырасын татар моңнары” исеме астында үткәрелгән кичәдә укучыларыбыз халкыбызның уен кораллары белән таныштылар. Кичәдә якташ гармунчыбыз, Фәйзулла Туишев исемендәге премия лауреаты, озак еллар буена “Халык уен кораллары”, “Гармунчылар” ансамбльләре җитәкчесе булган, Татарстанның атказанган мәдәният хезмәткәре Тәфкил абый Яруллин иҗаты белән танышып, бай мәгълүмат тупладылар.

Бүген "Соңгы кыңгырау" бәйрәмендә Татарстанның атказанган мәдәният хезмәткәре, ТР журналистлар берлеге әгъзасы, Эзмә урта мәктәбенең чыгарылыш сыйныф укучысы Гөлсинә Наил кызы Галимуллина исемендәге "Милли җанлы татар кызы" проектына йомгак ясалды. Бик күп конкурсларда, "Әдәби марафон" проектында һәрдаим катнашкан, туган тел фәненнән муниципаль этапта җиңү яулап, республикада призер булган, туган як турында шигырьләр иҗат иткән 7А сыйныф укучысы Мифтахова Азалия әлеге проектның җиңүчесе дип табылды һәм Гөлсинә апа Галимуллинадан истәлекле бүләк - калфакка ия булды. 

Мәктәбебез ел саен үзенең матур чәчәкләргә күмелгән, мул яшелчә, җиләк - җимеш бакчасы белән кешеләрне сокландырып тора. Бу , әлбәттә, укучыларыбыз, укытучыларыбыз һәм хезмәткәрләребезнең тырыш хезмәт нәтиҗәсе. Бүгенге көндә дә мәктәбебез бакчасын яшелләндерү, матурлау  буенча эш дәвам итә: чәчәк орлыклары чәчелде, үсентеләре күчереп утыртылды, виктория аралары эшкәртелде.

В соответствии с положением о родительском контроле за качеством питания  сегодня в школьной столовой был родительский  контроль  за качеством питания.

Комиссия отметила соответствие реализуемых блюд утвержденному меню, массы порций нормам, состояния столовых приборов и посуды в школьной столовой, санитарно-технического содержания обеденного зала, условий соблюдения правил личной гигиены обучающимися, наличия и состояния санитарной одежды у сотрудников, осуществляющих раздачу готовых блюд. Замечаний по работе столовой и качеству питания не выявлены.

Әбиемнең күңел сандыгын

Бер ачасы иде, ачасы...

Әби - бабам белгән йолаларны,

Халкыбызның күңел җәүһәрләрен

Бер ачасы иде, ачасы.

Мәктәп китапханәчесе Хабибуллина Ф.Т. 1нче сыйныфка әзерлек төркеме белән "Әбиемнең серле сандыгы" темасына китапханә сәгате үткәрде. Әлеге чара кече яшьтәге балаларга татар халкының онытыла барган изге бәйрәмнәрен, гореф – гадәтләрен аңлату,  элекке чорның матурлыгын күрсәтү, балаларда татар халкының җырлы – биюле уеннарына, авыз иҗатына мәхәббәт уяту максатында уздырылды.

Бүген мәктәбебез хезмәткәрләре, укучыларыбыз көче  белән мәктәп яны тәҗрибә участогына яшелчә, чәчәк орлыклары утыртылды.