Сабантуе - хезмәт туе, 
Шатлык һәм бәхет туе. 
Уйнап-көлеп, җырлап-биеп 
Бәйрәм итик көн буе. 
Чыннан да, бүген көн буе бәйрәм иттек. Сабантуй җыр-уен-көлке белән отрядлардан бирнә җыю белән башланып китте. Милли бәйрәмебез Сабантуйны ачык дип игълан иткәч, әйдаманнар стадионның төрле почмакларында кашыкка йомырка салып, капчык киеп йөгерү, балык тоту, аркан тартышу, бүләк кисү, чүлмәк вату кебек кызыклы уеннарда көч сынаштылар. Һәр бала бүгенге көннән кәнәгать булып, бүләкләр белән өйләргә таралды.

Колач җәеп каршы ала 
Нургали урманнары. 
Монда гына кошларның да 
Иң матур җырчылары... 

Бүген лагерьның соңгы көне. Шул уңайдан, без лагерьга йөрүче балалар белән, җәйге походка юл тоттык. Максатыбыз, балаларны чын күңелдән ял иттерү иде. Бик матур табигатьле Казкаш елгасы үзәнендә чын күңелдән ял итеп кайттык без. Бергәләшеп балык тоттык, кызларыбыз табын әзерләгәндә, егетләр зур казанда тәмле уха пешерделәр, аннары күмәкләшеп табын алдына утырып, шул ухадан авыз иттек. Спорт уеннарыннан да читтә калмадык: футбол, волейбол, лапта уеннарын бик күңелле уйнадык. Балалар барысы да рәхәтләнеп ял итеп, күтәренке кәеф белән өйләренә таралышты. Лагерьда узган күңелле мизгелләр укучылар йөрәгендә озак сакланыр әле.

19 июня в Шемордане прошли соревнования по пляжному волейболу. Девушки нашей гимназии Гимаева Зиля и Хабибрахманова Азалия заняли 1 место. Поздравляем девушек с победой и желаем им успехов в зональных соревнованиях, которые пройдут в г.Мамадыш 21-22 июня 2013 года.

Лагерьның 16 нчы көне балалар өчен бик күңелле үтте. Көндәгечә гимназиябез бакчасында эшләгәннән соң, ял сәгате оештырылды. Көндезге аштан соң бергәләп янгын сүндерү бүлегенә экскурсиягә юнәлдек. Анда безне бик җылы кабул иттеләр. Янгын сүндерү бүлеге җитәкчесе Закиров И.Г. балаларга үзләренең эшчәнлекләре, янгын сүндерү машиналары турында сөйләде. 
Укучылар бик кызыксынып тыңладылар. Малайлар аларның киемнәрен киеп, машинадан су сиптереп карадылар.

"Үткәнен белмәгән халыкның киләчәге юк” дигән әйтемне истә тотып, бүген ял һәм сәламәтләндерү лагерына йөрүче балаларга халкыбызның үткәнен аңлату һәм күренекле шәхесләребезнең хезмәтләре белән таныштыру максатыннан туган якны өйрәнү музеена сәяхәт ясадык. Балаларда борынгы эш кораллары, милли киемнәр, су һәм җир асты табылдыклары кызыксыну уятты. 
Көннең икенче яртысында бер төркем укучылар "Саба” йөзү бассейнында булдылар.

Бүген "Шатлык” лагере иртәнге линейка белән башланды. Аннары укучылар иртәнге зарядка ясагач тәмле итеп иртәнге аш ашадылар. Укучылар һәм вожатыйлар ярдәме белән концерт куйдылар. Төшке аш ашагач балалар төрле кызыклы уеннар уйнадылар.

Иртәнге линейкада көн тәртибе белән таныштырылды, экскурсиягә бару сәбәпле, инструктаж үткәрелде. Линейкадан соң зарядка ясалды. Иртәнге аштан соң, автобусларга төялеп, «Нарат» боз сараена юл алдык. Балалар рәхәтләнеп ял иттеләр, конькида шуып кайткач отрядларда ял минутлары оештырылды, тренинглар үткәрелде. 
Гимназия биләмәсендә чәчәк түтәлләренең чүпләрен утау белән шөгыльләнделәр. Көн күңелле һәм нәтиҗәле үтте.

Лагерьның бүгенге көне иртәнге линейка белән башланып китте. Балалар Назмутдинова А.М. белән гимнастика ясадылар. Аннары балалар бассейнга барып йөзеп кайттылар. Төшке аш ашагач стадионда төрле спорт уеннары уйнадылар.

Внимание!