Зурлар төркемендә тәрбияче Корбанова Нурия “Туган авылым,туган илем” дигән тема астында эшчәнлек алып бара.  Республикабыз башкаласы Казан шәһәре турында балаларның белемнәрен тирәнәйтә.

   Ноябрь аенда иң ямьле бәйрәмнәрнең берсе – халыкара Әниләр көнен билгеләп үтәбез. “Әни” сүзе һәркемгә якын! Биш яшьме, илле бишме – ничә генә булмасын, кешегә һәрвакыт Әни кирәк. Нәкъ җырдагыча, иң кадерле кеше җирдә Әни, димәк! Әниләр көне дә елдан-ел популярлаша бара. Бу көнне Әниләребез безнең яратуыбызны һәм кайгыртуны аеруча нык тоя, үз адресларына бик күп җылы сүзләр ишетәләр, балаларыннан котлаулар алалар...

    Бүген безнең бакчабызда Әниләр көненә  карата күңел ачу чарасы бик күңелле үтте. Бәйрәмгә Буратино һәм Мальвина килгәннәр иде. Алар балалар белән кызыклы уеннар оештырдылар, балалар Әниләргә карата шигырьләр сөйләделәр, җырлар җырладылар, биюләр башкардылар. Проектор аша балаларга Әниләр турында презентация күрсәтелде.  Бәйрәм чарасы күңелле, файдалы узды.  Балаларда Әниләргә карата кадер-хөрмәт, ярату, олылау хисләре, әдәплелек, әхлаклылык сыйфатлары тәрбияләнде.                                                                                                              

Биибез дә, җырлыйбыз,

Бергә күңел ачабыз!

   Атнаның йомгаклау чарасы  итеп “Безнең гаилә”  темасына әти-әниләрнең газеталар күргәзмәсе оештырылды. Зурлар төркеменнән  Венера һәм Айдар Сәитовларга, Луиза һәм Ленар Гумеровларга, Гөләрия һәм Илгиз Хәйриевларга, мәктәпкә хәзерлек төркеменнән Лениза һәм Рушан Давлетовларга актив катнашканнары өчен зур рәхмәтебезне җиткерәбез!

Аш кашыгы – агачтан,

Чәй кашыгы – көмештән.

Җиз самавыр кайнап тора

Суы изге инештән.

Әбием һәм әнием

Безгә бәлеш пешергән

Бәлеш уңган, күрәсең,

Өйгә тәмле ис тулган.

Әби, бабай, әти, әни,

Мин, нәни кыз, Сәйдә.

Менә нинди соклангыч

Безнең матур гаилә!  

Син яраткан иң матур сүз

Нинди сүз, әйт, бәбкәем,

Иң назлы сүз, иң якын сүз,

Ул матур сүз – Әнкәем!

Кая барма, шунда Әнкәй йөзе,

Кая барма, Әнкәй күңелдә.

Әни генә шулай синең өчен

Җанын биреп йөри гомергә.   

Туры юлга чыгу өчен

Юллар бар әйләнәсе.

Таныш булыгыз! Сезнең алда –

Дәүләтовлар гаиләсе.    

Иң кадерле кешебез син,

Сөекле әниебез.

Син булганга, без бәхетле,

Тыныч, рәхәт яшибез!  

Җиләк-җимеш, яшелчәләр.Сүрәтләп сөйләү:бакчада түгәрррәк, кызыл,зуррр, тәмле, хуш исле, йомшак помидорррр үсә.

   8 ноябрь  көнне Саба туган як өйрәнү музеенда “Һәйкәлләр балалар рәсемендә” дип исемләнгән чара  үткәрелде. Чарада “Әллүки” балалар бакчасының олылар төркеме балалары (тәрбиячеләре Корбанова Н.) катнашты.Балалар туган як һәйкәлләре ясаган рәсемнәр буенча стенд эшләнде. Чара ахырында рәсемнәргә нәтиҗә ясалды. Җиңүчеләргә һәм катнашучыларга призлар бирелде. 

Саба муниципаль районы башкарма комитетының мәдәният бүлеге тарафыннан үткәрелгән “Җырлы балачак” конкурсы  татар халкының гореф – гадәтләрен, традицияләрен саклау, сәләтле балаларны ачыклау, балаларның башкару осталыкларын үстерү максаты куеп зоналарда булып иң оста башкаручыларны билгеләделәр. Безнең “ Кояшкай” ансамбле (җитәкчеләре Лилия Валиева һәм Гүзәл Халиуллина) конкурсның финал өлешендә катнашып 1 урынны яулады.