29 декабрь көнне һәр төркемдә бәйрәм иртәләре үтте. Бәйрәмгә төрле персонажлар: куян,  төлке, аю, принцесса, почтальон Печкин, звездочёт, Африка кунаклары һәм, әлбәттә, Кыш бабай һәм Кар кызы кереп балаларның, әти-әниләрнең күңелләрен күрделәр. 

Зур өметләр белән каршылыйбыз

2014 нче ел башын.

Игелек һәм миһербанлык кына

Булсын иде синең юлдашың!                                                    

Иң мөһим документларның берсе – “Бала хокуклары турындагы Конвенция” 1989 елда Берләшкән Милләтләр Оешмасының Генераль Ассамблеясе тарафыннан кабул ителә. Конвенциядәге статьялар  балаларның политик һәм мәдәни хокукларын билгеләү һәм яклауга юнәлдерелгән:

1 статья.  18 яше тулганчы һәрбер кеше бала булып кала.

6 статья.  Һәрбер баланың тормышка хокукы бар.

28 статья. Баланың  белем алуга  хокукы бар   һ.б.

   Бу атнада  эшчәнлек “Безнең хокукларыбыз” темасы астында үтте. Балалар “Бала хокуклары турында Конвенция”нең эчтәлеге белән таныштылар. Балаларның гаиләдәге хокуклары турындагы белемнәре ныгытылды, аларның ялга, уенга хокуклы булулары аңлатылды. Кеше бер-берсе белән, нинди милләттән булуына карамастан, туганнарча аралашып яшәүгә хокуклы булу төшенчәсе бирелде, балаларда әхлакый сыйфатлар, әти-әнигә хөрмәт тәрбияләнде.                

Әти-әниләр белән берлектә зурлар һәм мәктәпкә хәзерлек төркемнәре балаларының  рәсем күргәзмәсе.                                   

   Дөньяда китаптан башка яшәү мөмкин түгел. Без китаплар аша тормышны өйрәнәбез, белем алабыз. Чөнки аларда бик күп акыл хәзинәсе тупланган.Ул хәзинәне бернинди компьютер да, телевизор да алыштыра алмый. Китап – дөньяны танып белергә ярдәм итә торган ачкыч ул. “Китап – бакча, андагы язулар – шул бакчаның гөлләре”, - дип язып калдырган бөек мәгърифәтче Каюм Насыйри.

Китап – киңәшчең синең,

Дустың, ярдәмчең синең.

Ул хөрмәткә бик хаклы,

Кадерлә син китапны!                                

Китап – безнең якын дустыбыз, киңәшчебез, сердәшебез. Тәрбияле кешеләр бар белемне китаплардан ала. Китапның якын дуслары зур теләк белән китапханәгә йөри, үзләрен кызыксындырган сорауларга җавап эзли...

Бу атнаның йомгаклау эшчәнлеге булып -  зурлар һәм мәктәпкә хәзерлек төркемнәре балаларының китапханәгә экскурсиягә барулары  булды. Китапханәдәге төрледән-төрле матур китапларны карау балалар күңелендә матур тәэсирләр булып уелып калды...

   Мәктәпкә хәзерлек төркеме балалары әкиятне кызыксынып карадылар. Үзләре дә   әкиятне алып баручы белән  инглиз телендә бик теләп аралаштылар.                                                                           

   Урманнар – табигатьнең “үпкәсе” дип атыйлар. Урманнардан башка безнең тормышны күз алдына да китереп булмый. Урманның матурлыгына сокланып, аның байлыгыннан файдаланып, аны саклау турында да онытмаска кирәк...

   Табигатьнең бер тере почмагы, иң гүзәл урыны буларак, урман турындагы белемнәрен киңәйтеп, балаларда  игътибарлылык, әйләнә-тирә табигатькә, урманга карата сакчыллык, миһербанлылык сыйфатлары, экологик культура  тәрбияләү мөһим.     

   Мәгълүм ки, урман – яшәеш,

   Яшеллек, матурлык билгесе.

   Безне тукландыручы чимал,

    Сулаган һавабыз өлгесе.