"Синең өчен иң кадерле нәрсә?"- дип куелган соруга мөгаен һәр кеше "гаиләм" дип җавап бирер  иде. Әйе, һәрбер кеше, җан иясе өчен якыннары- гаиләсе кадерле. Бары тик якыннары янәшәсендә генә авыр минутларда күңел тынычлыгы, әрнегән йөрәккә дәва табыла. Бакчабызда белем бирү эшчәнлекләрендә гаиләгә, кадерле кешеләренә карата мәрхәмәтлелек хисләре тәрбияләү максат итеп куела. Нәниләр төркеме балаларыда кызыклы сюжетлы- рольле уеннар аша якыннарын кадерләргә, хөрмәтләргә өйрәнәләр.

Бүген мәктәпкә әзерлек төркем балалары әвәләү шөгелендә  энҗе мәрҗәннәренең ничек барлыкка килүен аңладылар һәм төрле формадагы диңгез  раковиналарын пластилин һәм табигый материаллар (ярмалар) кулланып әвәләргә өйрәнделәр. (тәрбияче Сайфутдинова Г.З.).

  Курчакларым туңмасыннар  көзге җылы кием ясап бирик. Алдык матур тосле кәгазь,кулга тоттык кайчыны. Кистек ,бизәк ябыштырдык менә ничек матур булды.Курчаклар бик сөенде. Әхтямова Р.М

Дети подготовительной группы приняли активное участие в "Кросс нации 2017". (Сайфутдинова Г.З.).

Бүген 15 сентябрь көнне уртанчылар төркемендә кызлар арасында " Бигрәк матур күлмәгем" көне булып үтте. Кызларыбыз берсеннән- берсе матур күлмәкләр киеп килгәннәр иде. Аларның һәрберсе үзенең күлмәген мактап, тәэсирләнеп сөйләделәр. Чыннан да кызларыбыз бик матурлар иде. Әйтерсең  лә төркемебезгә төрле төстәге күбәләкләр кереп тулган! Менә алар карагыз, күз генә тидермәгез! Шундый көннәр алга таба да үткәреләчәк. Чираттагысы  малайлар арасында булачак . Нәрсә турында? Ә анысы әлегә сер! (Тәрбияче Шарипова Ф.М).

Бу атна бакчабызда “Әдәплелек дәресләре” дигән тема астында үтте. Шул максаттан балалар белән әңгәмәләр үткәрдек, мәкаль һәм әйтемнәр өйрәндек, шигырь һәм хикәяләр аша балаларга әдәплелек дәресләре бирелде. Атнаны “Әдәпле бул-халык сөяр” күңелле уеннар кичәсе белән йомгакладык.

Тәрбияче: Хайрутдинова Г.М.

Мәктәпкә әзерлек төркем балалары бүген әдәплелек иленә сәяхәткә бардылар. Төрле тукталышларга тукталып көч сынаштылар. Балалар бу кичәгә күп тырышлык кертеп әзерләнделәр: шигырьләр өйрәнделәр, мәкальләргә аңлатма бирергә өйрәнделәр. “Миләш зары” хикәясен тыңлап, фикер алыштылар. Кичәне “Әссәләмәгаләйкем” җыры б/н тәмамлап, балалар иптәшләренә матур теләкләр әйтеп таралыштылар.  Бүгенге әхлак кичәсендә  алган белемнәре балаларга тормышларында юл күрсәтүче йолдыз булып торыр  дип өметләнәм. (Тәрбияче Сайфутдинова Г.З.) 

12 сентябрь зурлар төркемендә "Гаилә гореф гадәтләре" темасы астында әти-әниләр җыелышы үткәрелде. Җыелыш барышында әти-әниләр зурлар төркемендәге балаларның яшь үзенчәлекләре, көндәлек режим, шөгыльләр челтәре, төркемдәге эшчәнлек, алда торган бурычлар белән таныштылар. Бакчабызда узучы "Әдәплелек дәресләре" кысаларында әти-әниләр белән "Гаилә гореф гадәтләре" дип аталган тренинг үткәрелде. Җыелыш бик кызыклы һәм максатчан шартларда үтте ( Тәрбияче Шарипова Ф.М).