Мәктәпкә әзерлек төркеме балалары әвәләү шөгелендә чүлмәкче һөнәре белән танышып, матур кувшиннар ясарга өйрәнделәр.(Сайфутдинова Г.З.).

 "Йорт хайваннары  һәм кошлары" атналыгы  зурлар төркемендә төрле материалдан ясалган йорт хайваннарын ясау эшчәнлеге белән төгәлләнде. Ул күргәзмә итеп оештырылды. Балалар күңеленә табигать материаллары, төсле җепләр, төрле ярмалар кулланып ясау аеруча хуш килде. Шулай ук алар үзләренең осталыкларын рәсем сәнгатендә, әвәләүдә, кисеп ябыштыруда да күрсәттеләр. Күргәзмә бик матур һәм мавыктыргыч булды. (Тәрбияче Шарипова Ф.М).

Икенче кечкенәләр төркеме балалары кисеп ябыштыру шөгелен бик яраталар. Бүген алар үзләре яратып уйнаган пирамида уенчыгын ясарга өйрәнделәр. Матур килеп чыккан эшләре буенча бер-берсе белән фикер алышып, өйгә кайткач әниләргә дә ясап күрсәтәбез дип сөенеште балалар. (Сайфутдинова Г.З.).

"Менә безнең күргәзмә". (зурлар төркеме. Тәрбияче Шарипова Ф.М).

Шушы көннәрдә бакчабызда "Кошларга ярдәм итик" акциясе булып узды. Әти - әзниләребезнең көче белән кошларга җимлекләр ясалды.Җимлекләрне урамга агачка элеп куйдык.

Абубакирова Р.Г.

Беренче кечкенәләр төркеме.

Уртанчылар төркеме балалары төрле җырлы - биюле уеннарны уйнарга яраталар." Гөлбану" уенында исә алар гимнастика элементларын да бик теләп башкаралар. ( Тәрбияче Шарипова Ф.М).

Уртанчылар төркемендә балаларны сезонлы үзгәрешләр һәм киемнәр  белән таныштыру дәвам итә. Эшчәнлек вакытында алган белемнәрен алар  дидактик уеннар ярдәмендә ныгыталар. Махсус оештырылган УМК  почмагында балалар бик теләп шөгыльләнәләр. ( Тәрбияче Шарипова Ф.М).

Бүген әвәләү шөгелендә икенче кечкенәләр төркеме балалары  түгәрәк формадагы печеньелар әвәләргә һәм стекалар белән аларга узор төшерергә өйрәнделәр. Курчакларны чәй эчергә кунакка чакырдылар. (Сайфутдинова Г.З.).

Максат.Әкиятне тәрбияче белән  бергә сөйләргә өйрәтү,аерым фразаларны кабатлатып, балаларның сүз байлыгын активлаштыру.

Сәхнәләштерү эшчәнлегенә җәлеп итү,уен барышында фразаларны дөрес әйтү осталыгын үстерү.

(Тәрбияче Корбанова . Н)