Олы Нырты авылы китапханәсе балалар бакчасы белән тыгыз элемтәдә тора. Китапханәгә кайткан һәр яңа китап белән таныштыру максатыннан, балалар бакчасында әңгәмәләр, төрле уеннар оештырыла.

   Шушы көннәрдә китапханә мөдире Әхмәтшина Л.Б. балалар белән туган тел турында әңгәмә үткәрде.

Бүген район мәдәният йортында озак еллар балалар бакчасында кече тәрбияче булып эшләүчеләрне бүләкләү тантанасы булып узды. Тантана тәрбиячеләр һәм балалар бакчаларында эшләүчеләр көненә багышланган иде. Безнең коллективтан  кече тәрбияче булып 25 елдан артык хезмәт куйган Газизуллина Минзирә һәм Гарифуллина Зәйтүнә район мәгариф бүлеге грамотасы белән бүләкләнделәр. Аларга алга таба да эшләрендә уңышлар, ныклы сәламәтлек, гаилә иминлеге телибез.

Бүген, 4 октябрь көнне, гражданнар оборонасы көне билгеләп үтелә. Шушы уңайдан хезмәткәрләр белә әнгәмәләр үткәрелде.

Өлкәннәр көне уңаеннан “Миләшкәй” балалар бакчасында "Әбиләр чуагы " дип исемләнгән ачык чара үткәрелде.

Өлкәннәребез дөнья мәшакатьләрен читкә куеп, күңелләре белән яшь чакларына кайтып килделәр, оныклары белән бергәләп рәхәтләнеп ярыштылар, уйнадылар. Тәрбияле балалар  үстерүдә гаилә һәм бакча арасындагы элемтәне югалтмаска кирәклегенә басым ясалды.  Бу бәйрәмнән һәркем кәнагатьләнү хисе белән  уңай эмоцияләр, яшәү көче алып таралышты.

Әти-әниләр, балалар белән берлектә, көзге яфраклардан бик матур, эчтәлекле күргәзмә эшләделәр. 

 27 сентябрь - тәрбиячеләр һәм балалар бакчасында эшләүче барлык хезмәткәрләрнең профессиональ бәйрәме. Шушы уңайдан балалар бакчасында эшләүче хезмәткәрләрне чын күңелдән тәбрик итәбез. Эшләрендә уңышлар, саулык-сәламәтлек, күңел тынычлыгы телибез. 

Бугенге матур бәйрәм белән балалар үзләренең яраткан апаларын котлап, чәчәкләр бүләк иттеләр.

Бала һәрвакыт шат күңелле һәм сәламәт булып калсын өчен, нигезне балачактан ук салырга кирәк. Шуны исәпкә алып, тәрбияче  Хазиева А. М. физкультура шөгылендә балаларның мускулларын үстерүгә, җитезлеккә, чыдамлыкка аерым игътибар бирә. Балалар физкультура белән теләп шөгыльләнәләр.

Бакча хезмәткәрләренең тырышлыгы белән бакчабызда бик матур чәчәкләр үсә. Балалар да булыша, әлбәттә. Иртә яздан тюльпаннар, чалмабашлар чәчәк ата башлый. Ел саен көзнең ахыргы көннәренә кадәр бакчабыз аллы-гөлле чәчкәләр эчендә утыра.

Бүген барлык мәктәп һәм балалар бакчалары белем бәйрәмен билгеләп үтә. Әти-әниләрне, барлык мәктәп һәм балалар бакчаларында хезмәт куючыларны, барлык укучыларны шушы матур бәйрәм белән тәбрик итәбез. Шатлык-куанычларга бай, хәерле, имин уку елы булсын!