"Яхшы сүз-җан азыгы" атналыгын танып белү - ана теле эшчәнлеге белән башлап җибәрдек. Бер- берең, туганнарың, зурлар белән ничек сөйләшергә икәнен өйрәндек. "Өч кыз" мультфильмы балаларда  әниләргә карата кайгыртучанлык, игътибарлылык сыйфатлары тәрбияләүдә ярдәм итә.

Бүген кечкенә Әдиләбезнең туган көне . Аңа 2 яшь тулды.

        Әдилә!

Туган көнең  белән котлыйбыз,

Ак бәхетләр сиңа телибез.

Гомер юлың озын булсын,

Кайгы-хәсрәт урап үтсен.

Иң изге теләкләр белән синең дусларың һәм апаларың.

Әдилә үзенең туган көне уңаеннан дусларына бүләкләр алып килгән . Барлык балалар исеменнән зур рәхмәт Әдиләбезгә. Тәртипле, акыллы, зур булып үс.

Октябрь аеның соңгы көннәре, булса да көн кояшлы һәм матур. Балалар белән "Хәйләкәр төлке"  уенын уйнаган вакыт.

Танып белү эшчәнлеге вакытында кыргый җәнлекләр турында табышмаклар чиштек, хайваннарны төркемнәргә бүлдек;  аларның  үзенчәлекләре турында балалар белән сөйләшеп үттек.  Һәм кул эше хезмәте эшчәнлегендә үзебезнең яраткан хайваннарыбызны  кирәкмәс коробкаларга,  төрле үзгәрешләр кертеп куян, песи, аюларга әверелдердек . 

"Хайваннар дөньясында"  атналыгын  танып белү эшчәнлеге белән башлап җибәрдек. Балалар белән табышмаклар ярдәмендә  "Дөрес сайла" уенын уйнадык. 

Р. Вәлиева  "Туган авылым".

Туган илем басу, кырлар,

Урманнар, яшел юллар.

Инешләрем, чишмәләрем.

Туганнарым, якын дуслар.

"Минем илем-минем өем" атналыгын йомгаклау итеп  балалар белән күмәк эш  кисеп ябыштыру эше башкардык. Балалар үзләренең өйләрен дуслары белән берлектә кәгазьгә ябыштырдылар. Бик матур композиция килеп чыкты.  

Рус теле эшчәнлегендә уен ярдәмендә  балалар белән йорт хайваннарын һәм кыргый җәнлекләрне аерырга өйрәнәбез.