Бу бәйрәм Илмир өчен балалар бакчасында соңгы бәйрәм. Чөнки ул бакча белән саубуллашып,  тиздән мәктәпкә китәчәк. Без, бакчада эшләүче барлык апалары һәм дуслары, аңа  белем иленә ак юллар, матур, имин көннәр, Һәрвакыт шундый акыллы, тыныч булып калуын телибез.

Районда экология һәм тирә-юньне саклау айлыгы бара. Шул ниятьтән бүген "Миләшкәй" балалар бакчасы балалары авылыбызның Мишә елгасына экскурсиягә килделәр. Су буйларын , үзебезнең тирә якны чиста тотарга, чүпләр ташламаска  кирәклеген тәрбияче апалары сөйләп үтте. 

Илләребез-тыныч,

Күкләребез-аяз булсын!

Булмасын җирдә сугыш!

Бүген Сәидханның туган көне. Аңа 3 яшь тулды.

Котлы булсын, Сәидхан, туган көнең,

Гөлчәчәктәй үтсен һәр көнең.

Корычныкы булсын тазалыгың,

Кояшныкы булсын гомерең.

Иң изге теләкләр белән дусларың һәм бакчадагы апалар.

Бүген 30 апрель көнне Завод-Нырты мәктәбендә балаларны яклау көне уңаеннан Лесхоз биләмәсе янгын сүндерү бүлеге мәктәптә эвакуация уздырды. "Миләшкәй" балалар бакчасы да читтә калмады. Алар да бу чарада катнаштылар.

Әйләнәдә гөлләр,

Тормыш якты!

Бәйрәм хисе бүген күңелдә.

Туган көнең белән,Тукай! - диләр,

Горурланып һәркем бу көндә.

Завод Нырты урта мәктәбенең Арикеева Ә.Т. җитәкчелегендә эшләп килүче театр түгәрәге бакчабызга кунакка килделәр.

Алар экология елына багышлап "Табигатъне саклыйк, дуслар!" дип исемләнгән мини-спектакль күрсәттеләр.

Кыска, ләкин бик эчтәлекле тамашаны бакчабыз балалары бик яратып тамаша кылдылар.

Яшь артисларга һәм аларның җитәкчеләренә алга таба да уңышлар телибез. 

Бүген безнең бакчабызда тәрбияләнүче тагын бер малаебызның туган көне - Гаделгә 3 яшь. 

Гадел! Сине чын күңелебездән туган көнең белән тәбрик итәбез. 

Котлы булсын туган көннәрең,

Юлларыңа гөлләр сибелсен.

Туар таңның саф җилләре сиңа

Бәхет-шатлык кына китерсен.

Иң изге теләкләр белән дусларың һәм бакчадагы апалар.