Әй, Кыш бабай, Кыш бабай,

Хуш киләсең, уз бире,

Кунак булып килер дип,

Күптән көттек без сине.

Кыш бабайны зарыгып көтеп алабыз. Ә ул безгә капчыгын алып, Кар кызын, атны ияртеп күптән  ишек төбенә килеп баскан инде. Һәр ел саен яңа елны кар сыннарын әвәләп каршы алабыз. Көннәр салкын, буранлы дип тормадык, бакчабыз яны матур, балаларга күңелле булсын өчен кар сыннарын тырышып әвәләдек.  

Тиздән яңа ел бәйрәме җитә. Балалар белән кисеп ябыштыру эшчәнлегендә яңа ел открыткасы ясарга уйладык. Открыткалар бар баланың да бик матур килеп чыкты.

Яратам мин өемне,

Әти белән әнине,

Абый белән энемне,

Бишектәге сеңлемне.

Иҗади сәнгать-рәсем эшчәнлегендә балалар үзләренең гаиләләрен ясадылар.

Урамнар сөенгән,

Ап-ак кардан киенгән.

Чаналарны алып

Бездә чыктык урамга.

Режим моментларында да вакытыбызны заяга үткәрмибез. Тыныч кына ял итәргә, шаулашып уйнарга да, өлгерәбез. Без балалар белән күңелле яшибез.

Юл йөрү кагыйдәләрен өлкәннәр генә түгел ,бакча яшендәге балаларга өйрәнү дә  бик кирәк, кечкенәдән кагыйдәләрне өйрәтергә, юл йөрү билгеләре белән таныштыру өстендә эшләргә тырышабыз. 

Безнең хокукларыбыз атналыгы башланып китте. Бу атнада балаларда әхлакый сыйфатлаар, әти-әнигә хөрмәт тәрбияләү; балаларның гаиләдә хокуклары турында белемнәрен ныгыту, аларның ялга, уена хокуклары булуларын аңлату; балаларга дус булырга кирәклеген төшендерү максаты буенча эшлибез.

Бүген танып белү эшчәнлегендә  "Уймак кыз"  әкияте буенча балалар  "Яшәргә хокуклы",  "Исемгә хокуклы",  "Сәламәтлеген сакларга хокуклы", "Ял итәргә хокуклы", һ.б төшенчәләре аңлатылды.

Бүген "Миләшкәй" балалар бакчасына Рәмилә Мансуровна  үзенең 3 сыйныф укучылары белән   театральләштерелгән "Йомры икмәк" әкияте белән кунакка керделәр. Бу әкиятне Фархиева Зәлинә үзгәртеп язган һәм ул конкурста катнашып урын да алды. Киләчәктә дә Зәлинә югалып калмасын. Уңышлар аңа һәм аның классташ дусларына.  

Зарыгып көтеп алган карлы, буранлы кыш килеп җитте. Бездә балалар белән чаңгыларны алып, чаңгыда йөреп карарга уйладык. Икенче кышыбызны яңа чаңгыларны киябез, бәлкем тиздән ярышларга да чыгарбыз.

Менә нинди кар яуды:

Ап-ак булды җир өсте.

Чаналарга, чаңгыларга

Җиткереп булмый эшне.