"Дуслык" лагеренда 15нче көнебез "Без синең  белән, Татарстан!"  дип исемләнде. "ТАССРга 100 ел " тематик сәгатеннән соң, отрядлар арасында футбол матчы узды. Көнебез "Республика символлары" дигән иҗади бәйге белән тәмамланды. 

"Җилкән" ял һәм хезмәт лагеренда бүгенге көн "Үз илебезне яратабыз!" девизы астында узды. Укучылар мәктәп яны тәҗрибә участогында да эшләргә өлгерделәр, патриотик тәрбия атналыгының беренче көне буларак, патриотик җырларны да искә төшерделәр. "Балалар туган илне сурәтли" дигән иҗади бәйгедә  туган җиребезгә мәхәббәт һәм үөрмәт хисләрен чагылдырдылар. Җәйнең бер көне шулай сизелми дә узып китте.

"Җилкән" ял һәм хезмәт лагеренда көннәрнең узганы сизелми дә. Мәктәп яны тәҗрибә участогында балалар  бик тырышып эшли.  Ял минутларында иҗади эшләр дә башкаралар. Бүгенге көн "Безнең Татарстан" дип исемләнгәнлектән, алар үз илләренә тугрылыкны "Без-  илебезнең патриотлары" дигән плакатларда чагылдырдылар.

"Дуслык" лагеренда спорт-сәламәтлек атнасы дәвам итә. Бүгенге көн "Мин спортны сайлыйм"  дип аталды. "Мульти-Пульти-могҗизалар иле"  чарасыннан соң балалар "Матурлык янәшәбездә"  иҗади бәйгесендә катнаштылар. Көндезге аштан соң авыл җирлеге тарафыннан оештырылган балалар Сабантуенда һәркем үзен төрле милли уеннарда сынап карады: чүлмәк ватты, капчык киеп йөгерде, капчык белән сугышты. Җәйнең тагын бер көне бик күңелле булып истә калды.

"WorldSkills- киләчәккә адым" дип исемләнгән көнебез "Бар һөнәр дә мактаулы" темасына әңгәмәдән башланды.  Төрле профессияләр, аларның үзенчәлекләре турында сөйләшкәннән соң балалар Төбәк товарлыклы-сөтчелек фермасында булып, биредә эшләүчеләрнең хезмәт шартлары, вазифалары белән таныштылар. Заманча технологияләр белән эшләүче ферма балаларда кызыксыну уятты.  Бу көн "Күңелле карандашлар" иҗади бәйгесе белән тәмамланды.

Бүгенге кон дә гадәттәгечә иртәнге линейка һәм гимнастикадан башланып китте. "Мин иң -иң" дигән бәйге спорт мәйданчыгында дәвам итте. Бер- береңә күңелле  мизгелләр бүләк итү кәефне яхшырта, дуслыкны ныгыта. Бүген һәркем үзенең дустына сюрприз әзерләде-бүләк ясады. "Скакалка, кыршау һәм мин-бердәм команда" дигән  күңелле стартларда җитезлек тагын бер кат сыналды. 

"Дуслык" лагеренда бүгенге көн "Россиянең тугры уллары" дип исемләнде. "Туган җир нидән башлана?" темасына әңгәмәдән соң балалар Олы Кибәче авылы буйлап йөрделәр, авылның иң матур урыннарына сокланып, тарихын искә төшерделәр, Бөек Ватан сугышында һәлак булганнар истәлегенә куелган һәйкәл-обелиск янында тукталып, илебез өчн көрәшкән батырларны искә төшерделәр.   Соңыннан саф һавада хәрәкәтле уеннар оештырылды.

"Җилкән" хезмәт лагеренда бүгенге көн Россия көненә багышланды. Мәктәп яны тәҗрибә участогында эшләгәннән соң, "Россия-ул без" темасына интеллектуаль  бәйге оештырылды. Соңыннан "Россия Федерациясенең дәүләт символлары" темасына сөйләшү узды.

"Дуслык" һәм "Җилкән" лагерьларында  җәйге ялның 9 нчы көне уза. Бүген балалар "Семицветик" психологик үзәгендә булдылар, тренинг элементлары кергән шөгыльләрдә  катнаштылар. Әлеге үзәктә рәхәтләнеп ял иткәннән соң, сәяхәт "Saba" паркында дәвам итте. Район үзәгендәге  әлеге  матур парк та балаларга бик ошады. Җәйге каникулның ямьле бу көне дә истә калырлык булды!!!

"Дуслык" лагеренда 8 нче көн-"Спорт-ул тормыш"  дип исемләнде. Көн , гадәттәгечә, иртәнге линейкадан һәм гимнастикадан башланып китте. "Сәламәтлегем үз кулымда" викторинасыннан соң  Изгеләр чишмәсенә, Шаһи тавына сәяхәт оештырылды.  "Начар гадәтләр урынына спортны сайлыйм" иҗади бәйгесе балаларның үз сәламәтлекләренә карашларын ачыкларга булышты. Җәйнең бу көне дә бик күңелле узды!