Дөнья булгач жиңел генә булмас, 
Авырлыклар очрар , киртәләр,

Сез аларның барын жиңә алырсыз, 

Тыныч кына тусын иртәләр. 

 Белем булса барын эшләп була 
Һәр укучы моны дөресләр. 
Котлы булсын Яна уку елы, 
Котлы булсын тәүге дәресләр! 

Шатлыклар – күңелебездә,

Ал кояш күгебездә.

Рәхим итегез, кунаклар,

Зур бәйрәм бүген бездә.

Татарстанда ТР Президенты Р.Миңнеханов башлангычы белән «Үз мәктәбеңә ярдәм ит!» акциясе старт алды.  Аны ТР Мәгариф һәм фән министрлыгы ТР Төзелеш, архитектура һәм торак-коммуналь хуҗалыгы министрлыгы, Республика матбугат һәм масакүләм коммуникация чаралары агентлыгы белән берлектә үткәрә. Акция барышында предприятие һәм оешмалар җитәкчеләре, банкирлар, сәүдә фирмалары һәм челтәрләре директорлары, эшмәкәрләр үсеп килүче яшь буынга белем һәм тәрбия бирү шартларын яхшыртуда сизелерлек ярдәм күрсәтә һәм үзләре турында якты истәлек калдыра ала. Бу башлангыч мәгариф учреждениеләрен ата-аналардан ремонтка һәм җиһазлауга акча җыюдан азат итәчәк. Районыбыз, шәһәребез һәм авылыбыздагы җитәкчеләр, эшмәкәрләр акциягә актив кушылырлар дип ышанабыз.Үзегез укыган мәктәп, сезнең ярдәмегезне көтә.

     Мәктәп бакчасында кура җиләге өлгерде. Укучыларыбыз тәмле җиләкләр  җыюны түземсезлек белән көтәләр.Кура җиләге үз составында тимерне иң күп тәшкил итүче җиләк. Шуңа күрә аны ашау организм өчен бик файдалы икән. Кура җиләге иң тәмле дару да әле. Аның кайнатмасы температураны төшерергә, тамак ялкынсынуын басарга ярдәм итә. Балсызрак кура җиләге компоты җәй көне иң яхшы эчемлек. Беренчедән, ул эчәсе килүне бетерсә, икенчедән, инфекцион авыруларга каршы торырга ярдәм итә.

    Бүген 11 нче сыйныф укучылары Багаутдинова Алинә һәм Багаутдинова Алия урта мәктәпне тәмамлау турында өлгергәнлек аттестаты алдылар. Бу укучыларыбыз үзләрен бары тик яхшы яктан гына күрсәттеләр. БДИ уңышлы гына югары балларга тапшырдылыр. Икесе дә мәктәпнең традициясе буенча,  яхшы укыганнары һәм җәмәгать эшләрендә актив катнашканнары өчен Мактау китабына кертелделәр. Ә Багаутдинова Алинә 11 ел буе бик яхшы укыганы һәм БДИ уңышлы биргәне өчен Көмеш медальгә лаек булды. Әфәрин Алинә!

      Без мәктәп коллективы укытучылары  укучыларгы уңышлар, үзләре теләгән уку йортларына керүләрен теләп калабыз.