2010нчы елның 1нче сентябреннән бирле Россиякүләм балалар "Ышаныч" телефоны эшләп килә. Халыкара балалар ышаныч телефоны көнен билгеләп үтүгә Россиядә 2009нчы елда кушылдылар. Бу бәйрәм 17нче май көнне билгеләп үтелә. Ышаныч телефоны буенча бала аноним рәвештә квалификацияләнгән психологик ярдәм алырга мөмкин. Шулай ук ышаныч телефоны аша  гаиләдә һәм аннан тыш физик көч куллану очраклары буенча да ярдәм сорарга була. Россия күләм ышаныч телефоны 8-800-2000-122 (гади телефоннан да, кесә телефоныннан да шалтырату бушлай).

Универсиада - грандиоз

Спорт, мәдәният фестивале.

Казан дигән  зур каланың

Дөньяга танылыр мәле!

    Уни­вер­си­а­да­ның ачы­лу тан­та­на­сы кү­тә­рен­ке рух­та уз­ды: һәр сый­ныф бер ко­ман­да бу­лып му­зы­ка ас­тын­да катнашырга ашыкты. Без­нең уни­вер­си­а­дага уку­чы­лар һәм сый­ныф­лар ара­сын­дагы  ярыш­ла­р, кү­ңел­ле старт­лар - һәм­мә­се дә оны­тыл­маслык миз­гел­ләр, кү­ңел­ле но­та­лар өс­тә­де. Ярыш-кон­курс­лар­дан тыш, Уни­вер­си­а­да кы­са­ла­рын­да мәктәп күләмендә гомуми “Универсиада –үзе бер дөнья» исеме астында дәресләр оеш­ты­рыл­ды. 

      Кояшлы матур көн иде. Укучылар, кулларына эш  кораллары тотып, мәктәп бакчасына агылдылар. 7-11 сыйныф укучылары казыдылар, ә 5-6 сыйныф укучылары бәрәңге чәчтеләр. Әле эш моның белән генә тәмамланмады. Калган вакытта кура җиләге һәм виктория аралларын  казыдылар һәм йомшарттылар. Кыскасы, мәктәп бакчасында эш кайнап торды.

    Бүген Җиңүнең 68 еллыгына багышланган тантаналы митинг үтте. Митингта район пенсия фонды  җитәкчесе  Валеева Минзия Усман кызы, Биектау  авыл җирлеге башлыгы Мөхәммәтҗанов  Рифкать Миннәхмәт улы, “Кулон-  Агро” оешмасыннан Гыйлманов Юныс Мөбәрәкҗан улы катнашты һәм чыгыш ясады. Шулай ук мәктәбебезнең тарих укытучысы Шәймарданова Н.Ф. да үзенең чыгышын тәкъдим итте.

    Ә укучылар музыкаль композиция белән чыгыш ясадылар. Сугыш кырларында ятып калган һәм сугыштан исән кайтып та бүгенгесе көнне  безнең арабыздан китүче ветераннарыбызны берҖ минут тынлык белән искә алдык һәм алар истәлегенә веноклар салынды.

Кадерле ветераннар! Сезне олы бәйрәм-  9 Май- Җиңү көне белән кайнар котлыйбыз. Сезгә ныклы сәламәтлек, тыныч тормыш, бәхетле картлык телибез. Җир йөзендә беркайчан да сугыш афәте кабатланмасын.

Бәйрәм белән, хөрмәтле ветераннар!

                                                                                                                                   Җиңү килде илне сөендереп,

                                                                                                                                   Балкып атты матур Җиңү таңы.

                                                                                                                                   Исән булсын әле, Ветераннар!

                                                                                                                                  Яшәсеннәр әле тагы, тагы!!!

   Шимбә көнне 9 нчы сыйныф укучылары, авылдашыбыз Советлар Союзы Герое Зәки Шәймәрданов каберенең чүпләрен чистарттылар, тырмаладылар.

     Узган атнаның пәнҗешәмбе көнне, Котлы Бөкәш мәдәният йортында, Экологик культура һәм әйләнә-тирә мохитне саклау елына багышланган, Фәтхрахман Әхмәдиев исемендәге үзешчән сәнгатьтә катнашучылар фестивале булып узды. Бу фестивальдә 18 авылдан килгән үзешчән артистлар чыгыш ясады. Шулар арасында Биектау урта мәктәбеннән  артист кызларыбыз Хайриева Айсылу  һәм Хабибуллина  Эльмира да бар иде. Аларның чыгышлары уңай дип бәйләнде һәм аларга район башлыгы Илһам Валеев имзалаган Диплом, истәлекле бүләк тапшырылды.

     23 нче март көнне Казан шәһәренең актерлар йортында Габдулла  Тукай исемендәге III Бөтенроссия сәнгатьле уку бәйгесендә безнең мәктәптән 3 нче сыйныф укучысы Хәбибуллина Эльмира уңышлы гына чыгыш ясап Диплом белән бүләкләнде. Ул Лилия Гибадуллинаның “Мәктәбемә ашыгам” шигырен тамашачыларга җиткерде.

        Хөрмәтле дуслар! Сезне барыгызны да 1 май - яз  бәйрәме белән кайнар котлыйбыз! Яз – безнең тыйнак тормышыбызга яңа көч, дәрт, омтылыш, ышанычлар алып килә торган вакыт. Яз сулышы гаиләгезгә муллык, күңелләрегезгә сабырлык, тәнегезгә саулык китерсен. Ходай сезне үз рәхим-шәфкатеннән ташламасын, теләкләрегезне тормышка ашырырга ярдәм итсен, өстәлләрегез мул, аш-суларыгыз тәмле, көннәрегез ямьле булсын.Сезгә тормышыгызда зур уңышлар, яңа үрләр яулавыгызны, гаиләгездә җылылык, бәхет телибез.

Җырлый әле, җырлыйк әле,

Җырлап ачыла күңел.

Җырлап ачылмаган күңел,

Мәңге ачылачак түгел.

     ТНВ каналында эфирга чыгучы "Җырлыйк әле" тапшыруында 26 нчы апрель көнне балыкбистәлеләре катнашты. Бу тапшыруда Биектау урта мәктәбеннән җырчы кызыбыз Хәбибуллина Эльмира да бар иде. Ул 8 яшьтән- 17 яшькә кадәрге укучы балалар арасында ярышып җиңүгә иреште.Тапшыруны эфирдан 11 май көнне күрергә мөмкин булачак.Әфәрин Эльмира!!!