Бүген гимназиядә "Күңелебездә, телебездә, йөрәкләрдә Тукай мәңгелек" дип исемләнгән бик матур һәм эчтәлекле әдәби - музыкаль кичә уздырылды. Чара барышында укучылар Габдулла Тукайның әсәрләрен сәхнәләштерделәр, шигырьләр сөйләделәр, җырлар һәм биюләр башкардылар. Кичә шагыйрьның тормыш юлын чагылдырган презентация белән үрелеп барды һәм "Туган тел" җыры белән тәмамланды!

Видеога сылтама: https://vk.com/club216931602?z=video-216931602_456239260%2F52b670fb3aa66879c2%2Fpl_wall_-216931602

Гимназиядә экологик акция оештырылды. Әлеге экологик хәйрия проектларының төп идеясе - пластикның кыйммәтле материал булуын күрсәтү. Акция 5 нче майга кадәр дәвам итәчәк, актив катнашырга чакырып калабыз!

Видеога сылтама: https://vk.com/club216931602?z=video-216931602_456239262%2Fb378d484f28e7df27a%2Fpl_wall_-216931602

Безнең нәтиҗәләр:

1) Шәһәр күләмендә үткәрелгән "Лидер и его команда" бәйгесенең видеороликлар номинациясендә гимназиябез I дәрәҗә дипломга ия булды.
2) "Алдынгылар хәрәкәте"нең беренчел бүлек советы рәисе Галеев Нияз "Лидер года - 2024" бәйгесенең район этабында 2 нче урын яулады.
3) Гимназиябезнең укучылар үзидарәсе советы район этабында 2 нче урынны алдылар.

23 нче апрель көнне Казан кооператив институтында "Тукайга мәхәббәт илә... " дип исемләнгән V Бөтенрәсәй шигырь сөйләүчеләр конкурсына нәтиҗәләр ясалды. Конкурска 350гә якын видеолар кабул ителгән. Безнең гимназия укучылары да югары нәтиҗәләр белән кайттылар. Укучыларны һәм укытучыларын чын күңелдән җиңүләре белән котлыйбыз!!!

Гимназиябез активистлары тәрбия эшләре буенча директор киңәшчесе Гөлчәчәк Әсхатовна һәм ЮХИДИ идарәсенең профилактика бүлегенең әйдәп баручы белгече Сәгдия Салиховна җитәкчелегендә "Апрель" реабилитация үзәгендә булып кайттылар. Сәгдия Салиховна балаларга юлда куркынычсызлык кагыйдәләре турында сөйләде, мультфильмнар күрсәтте.Укучыларыбыз үзләренең музыкаль чыгышларын тәкъдим иттеләр. Әлеге чара позитив һәм уңай эмоцияләргә бай булды!

Видеога сылтама: https://vk.com/galyamaldingilari?z=video-222311097_456239134%2Fb3f1231604bd638f62%2Fpl_wall_-222311097

5Б һәм 7А сыйныфы укучылары сыйныф җитәкчеләре белән берлектә Иннополис шәһәрендә экскурсиядә булып кайттылар. Укучылар әлеге уникаль шәһәр белән якыннан таныштылар, бик күп кызыклы яңалыклар белделәр.

Гимназия китапханәсендә 3В сыйныфы белән балалар язучысы Вера Чаплина иҗаты буенча "Яраткан йорт хайваннары" дигән экологик чара үткәрелде. Укучылар язучының тормыш юлы, әсәрләре, Мәскәү зоопаркында эшләгән чоры белән таныштылар. Ахырдан йорт хайваннары турында мультфильм карадылар һәм кызыклы уеннар уйнадылар.

Психология атналыгы кысаларында 4 нче һәм 5 нче сыйныф укучылары белән киноклуб оештырылды. Укучылар дуслык турында "Тайна железной двери" дигән фильм карадылар һәм үзләренең фикерләре белән уртаклаштылар.

Гимназия укытучылары шәһәр күләмендә үткәрелгән "Весенний звездопад" дип исемләнгән конкурста уңышлы гына чыгыш ясап кайттылар. Әлеге конкурс яшь талантлар иҗатын популярлаштыру, җитәкчеләр һәм укытучылар арасында иҗади элемтәләр урнаштыру, талантларны ачыклау максатыннан уздырыла. Нәтиҗәләрне көтеп калабыз!

Гимназиядә психология атналыгы дәвам итә. 1В сыйныфы укучылары белән педагог- психолог Лилия Сәлимҗановна "Эмоцияләр илендә" дип исемләнгән чара уздырды. Әлеге психологик акция укучыларда уңай эмоциональ кәеф булдыру максатыннан оештырылды.