"Наркотикларсыз тормыш" акциясе кысаларында "Оста куллар" түгәрәгенә йөрүче кызларыбыз да үз эшләреннән күргәзмә карарга чакыра. Рәхим итегез! Иң оста куллы кызлар-Безнең мәктәптә!

 Сурәттә Гыймалетдинова Н.М. җитәкчелегендә  узучы  "Оста куллар" түгәрәгендәге кызларның кул эшләре күргәзмәсе

Башлангыч сыйныф укучылары каникулларда да сыйныф җитәкчеләре белән төрле кызыклы чараларда катнашып торалар. Бүген исә алар "Минем яраткан шөгылем" темасына рәсемнәр ясады.

Бүген Галиева А.Ф. җитәкчелегендә 4-5 сыйныф укучылары авылыбызда бердәнбер сугыш ветераны  -Ганиев Әхмәт бабайның хәлен белергә барды.  Республикабызда Бөек Җиңүнең 70 еллыгына әзерлек чараларына безнең мәктәп тә үз өлешен кертә.

Әхмәт бабай тормыш иптәше Бәһрәмия апа белән яши. Уллары Ринат гаиләсе белән күршеләрендә генә яшәп ята.  Көндәлек кирә-яракларны кайгырту , бакчада, йорт тирәсендәге эшләр Ринат абый гаиләсе җилкәсендә. Ә мәктәп укучылары исә Бәһрәмия апа белән Әхмәт бабайның ут, газ, су өчен түләләрен "Услуги ру" порталы буенча түләүдә булыша.

Безгә матур көннәрне үз сәламәтлекләре бәрәбәренә яулаган бабайга бәла-казасыз имин көннәр, сәламәтлек телибез. Якыннарының мәхәббәте аны һәрвакыт җылытып торсын иде.

Сурәттә: балалар Әхмәт бабай янәшәсендә

Республикакүләм "Наркотикларсыз тормыш"  һәм  Х1 Бөтенрәсәй "Мин спортны яман гадәтләргә  альтернатива буларак сайлыйм " акцияләре кысаларында бүген Татарстан Республикасы Конституциясе көненә багышланган   өстәл теннисы буенча турнир узды. %-9 сыйныфлар арасында үткәрелгән бу ярышта 1 урынны  Колмөхәммәтов З. (7 сыйныф), икенчесен- Колмөхәммәтов И. (6 нчы сыйныф),, 3нче урынны Сәйфуллин Р. (9 сыйныф) яулады. Афәрин, егетләр, булдырдыгыз! Спортта да , укуда да, дәрестән тыш эшчәнлектә дә , тормышыгызда бер уңышыгыз икенчесенә ялганып торсын! 

Бүген мәктәбебездә Киекле кустына керүче мәктәп укытучылары катнашында " Белем бирүдә Федераль дәүләт стандартларын кертү шартларында заманча дәрескә таләпләр" темасы буенча куст методик берләшмәсе утырышы узды. Утырышта ТР Нурлат муниципаль районы  Мәгълүмати-методик үзәк директоры Гафурова Г.Р., әлеге үзәк методисты Мартюшина О.Г. катнашты. КМБ кысаларында 6 нчы сыйныфларда математикадан (укытучы Зарипова Г.М.) ачык дәрес,  "Туган якны өйрәнү" түгәрәгенең (җитәкче Рәхимова Т.А.) ачык  шөгыле һәм 8-9 нчы сыйныфларда  Х! Бөтенрәсәй "Мин спортны яман гадәтләргә альтернатива  буларак сайлыйм" һәм Республикакүләм "Наркотикларсыз тормыш " акциясе   кысаларында  "Укучыларны ГТО нормалары тапшыруга  әзерләгәндә,  көрәш элементлары  кергән акробатик күнегүләр" темасы буенча физик тәрбиядән (укытучы Кабиров ә.З.) ачык дәресләр күрсәтелде. Тәкъдим ителгән дәресләр барысы да уңай бәя алды. Барлык укытучыларга бик зур рәхмәт!

Сурәттә директорның укыту эшләре буенча урынбасары  Билданова  Г.И. кунакларны  ФДБСның төп таләпләре һәм идеяләре белән таныштыра

6 нчы сыйныфларда математика укытучысы Зарипова Г.М. КМБ кысаларында, ФДБС таләпләрен һәм чит ил белем бирү структураларын кулланып, ачык дәрес күрсәтте. Дәрес укучылар өчен нәтиҗәле булды һәм   тәҗрибә уртаклашырга килгән укытучылар тарафыннан югары бәя алды.

Дәрестә катнашкан укучыларга һәм Гөлүсә Марат кызына алдагы эшчәнлекләрендә уңышлар телибез. Булдырдыгыз!

"Туган якны өйрәнү" түгәрәге мәктәбебездә тарих укытучысы Рәхимова Т.А. җитәкчелегендә инде күп еллар нәтиҗәле эшләп килә. КМБ утырышында катнашучы коллегаларга Таңсылу Атлас кызы "Мәктәп бинасының архитектур төзелеше"  темасы буенча ачык түгәрәк шөгыле күрсәтте. Эзләнү эше рәвешендәге бу шөгыльдә белем бирүдә ФДБС таләпләре үтәлеше  һәм белем бирүдә чит ил технологияләренең өстенлекле яклары тулысынча чагылыш тапты.  Бу шөгыльдә булган һәр укытучы үзенең методик копилкасына күп файдалы мәгълүмат алып китүендә беркемнең дә шиге юк. Дәрес карап утыручы укытучылар тарафыннан югары бәя алды. Укытучыбыз Таңсылу Атлас кызына һәм укучыларга бик зур рәхмәт!

Сурәттә  шөгыль барышыннан бер мизгел

Физкультурадан ачык дәресне  физик тәрбия укытучысы Кабиров Ә.З.  уздырды.  ФДБСның  һәр фәнгә үз таләпләре. Агымдагы уку елыннан кертелгән ГТО нормалары тапшыруга әзерлек нәкъ менә   ФДБС таләпләренә туры килгән дәресләрдә уңышлы нәтиҗә биргәненә физик тәрбиядән ачык дәресне караган һәркем ышанды. 

Дәресне караган мәктәп директорлары һәм физик тәрбия укытучылары Әсләм Закирҗан улы уздырган бу дәрескә югары бәя бирделәр.

"Кунак ашы-кра-каршы" ,- ди татар халык мәкале. КМБ утырышына Киекле , Андреевка мәктәбеннән килгән укытучылар да төрле фәннәрдән  мастер-класслар күрсәтте. Әлеге мастер -классларда без-укытучылар , укучыларга әйләндек. Рәсем дә ясадык, агачларны куаклардан аерырга өйрәндек, үткәнен белмәгәннең киләчәге булмаганына төшендек, басктеболда ике адымнан боҗрага туп кертү осталыгын үзләштердек. Тәҗрибә уртаклашу һәм өйрәнү өчен бик файдалы утырыш булды бу. Хуҗалар да, кунаклар да бик канәгать калдык. ФДБС һәм белем бирүдә чит ил технологияләрен уңышлы файдаланып алга, яңа үрләр яуларга без барыбыз да әзер.

КМБ утырышында ачык дәресләрдән тыш күрсәтелгән мастер-класслар исемлеге:

1. "Разнообразие растений" (Окружающий мир), учитель Бурметьевской СОШ Абдулвалиева И.Н.

2. "Бросок мяча с 2-х шагов" (физическая культура), учитель Бурметьевской СОШ Садыкоы Ю.Х.

3. "Развитие культуры цветовосприятия" (ИЗО), учитель Андреевской ООШ

 Будяшкин Ю.З.

4. "Лишь зная свое прошлое, можно шагать в будущее" (литературное чтение), учитель Андреевской ООШ Трифонова Ю.В.

Сурәттә рәсемнән мастер-класс нәтиҗәләрен тәкъдим итү мизгеле.

Мәктәбебездә  " Наркотикларсыз тормыш" айлыгы  һәм "Мин спортны яман гадәтләргә альтернатива буларак сайлыйм" Х1 Бөтенрәсәй  акциясе   айлыгы кысаларында  Халыклар бердәмлеге көненә багышланган скиппинг (скакалкада сикерү) буенча ярыш узды. Ярышта команда зачетында 1-9 сыйныф укучылары катнашты. Башлангыч сыйныф укучылары арасында җиңүне 3 нче сыйныф укучылары (Сибгатова А. һәм  Каримов Б.), икенчесен  -2 нче сыйныфлар (Уразгильдиева А. һәм Каримов М.), 3нчелекне  дүртенче сыйныф укучылары (Динмөхәммәтов Б. һәм Халмуратов З.) яулады.

5-9 нчы сыйныфлар арасында беренчелек  9нчы сыйныфларда (Сәйфуллин р. һәм Рәхимов Ә.), 2 нче урын - 7 нчеләрдә (Колмөхәммәтов З. һәм Әхмәдиева Р.), 3нче урын 8 нче сыйныфларда ( Әхмәтова А. һәм  Мәхмүтова Э.). Ярышта катнашучыларга бик зур рәхмәт, афәрин! Сыйныфташларына көч биреп торган, каникулларының бу көнен сәламәт яшәү рәвешенә багышлаган һәркемгә зур уңышлар насыйп булсын! Без сәламәт яшәү рәвеше яклы! Без булдырабыз!