Китми күңелемнән минем һич
Шул сөекле илкәем.
Анда минем сөйгән халкым,
Анда сөйгән әнкәем.

Анда таңнар җәйге диңгез
Балкуыннан нурлырак.
Анда җырлар сандугачның
Сайравыннан моңлырак.

Анда, сайрар кош шикелле,
Көй суза гармуннары,
Сызыла иркен таң һавада,
Анда ил зар моңнары.

Анда җырлый җирдә һәр кош,
Анда җырлый һәр агач.
Анда кайтсам, миндә башка,
Анда миндә сандугач.

Дус яшәргә кирәк җир йөзендә,

Дуслар кирәк һәрбер кешегә,

Дуслык булса, яшәү дә күңелле,

Уңай була һәрбер эшең дә.

Барыбызга безнең дуслар кирәк,

Дустан башка булмый яшәргә,

Шуңа күрә дөнья буйлап кирәк

Дуслык орлыкларын чәчәргә.

Кемнәр уйнарга ярата,

Кемнәр өлгер һәм җитез?

Бүген монда ярышырга

Кемнәр тели, әйтегез?

Уеннарда ярышырга

Җитез балалар кирәк.

Кемнәр ярышырга әзер,

Чыгып басыгыз тизрәк!

Яшәсен бу җирдә хайваннар да,

Үсемлекләр үссен, шаулатып.

Кояш көлсен, күктә ай елмайсын,

Яшик җирдә куәт-көч алып.

Бүген “Кыңгырау” сәламәтләндерү лагеренда  бәйрәм концерты, төрле  кызыклы уеннар оештырылды.