4 нче ноябрь көнне бөтен Россия буенча Бердәмлек көне билгеләп үтелә. Без дә мәктәбебездә укучыларга бу бәйрәмнең тарихын сөйләдек. Бу тарихка кереп калган батырлар белән таныштырдык. укучыларның исләрендә ныграк калсын дип презентация дә кулландык. 

        Укучыларга дәүләт символлары (флаг,герб,гимн) турында аңлатылды.Балалар арасында шушы темага рәсем конкурсы үткәрелде. 

  Бүген мәктәбебездә Сөмбелә бәйрәме булып үтте. БалаларСөмбелә җибәргән биремнәрне бик теләп үтәделәр. Укытучы Галимова Зөлфия көз темасына багышланган бик матур презентация әзерләгән.Шушы презентацияне карап укучылар алган белемнәрен ныгыттылар Һәм алдагы дәресләрдә файдалану өчен күп мәгълүмат алдылар.

 Бүген  бездә  кунакта  әбиләр - дәү  әниләр .   Балалар  әбиләр хөрмәтенә   шигырьләр сөйдәделәр, җырлы – биюләрен, төрле  күңелле  уеннарын  тәкъдим иттеләр. “Оныгыңны кулларыннан таны”, “ Дәү әнигә эндәшү” уены, “ Безнең яшьлек елларыбыз” турында сөйләшү.Бу уеннар бәйрәмне җанландырып җибәрде. 

Безнең тәрбияләнүчеләребез олыларны хөрмәтләргә, аларга карата тупас мөгаләмәдә    булырга ярамаганлыгын, киреләнүнең  начар гадәт икәнен бик яхшы аңлыйлар.Олылар-дәү әниләрнең кадерле кешеләр булуларына нык төшенәләр.Бәйрәм чәй табыны янында дәвам итте.                        

       16 октябрь көнне Акъяр балалар бакчасында  чираттагы  ата-аналар җыелышы булды. Җыелышта балаларны бакчага йөртү, түләү мәсьәләләре каралды. 2013 нче елның 1 нче сентябреннән баланы бакчага йөрткән өчен түләү яңа тариф буенча саналачак. Шушы юнәлеш буенча да ата-аналарга аңлатып узылды. Ашату, чисталык, балаларның сәламәтлеге турында кайгырту мәсьәләләре дә каралды.

    Әти- әниләр җыелышта бик актив катнаштылар, үзләрен кызыксындырган сорауларны да бирделәр. Җыелыш җылы атмосферада үтте.

       1 нче октябрьдән Өлкәннәр ункөнлеге башланды. Өлкәннәрне хөрмәтләп мәктәп мәдәният йорты белән берлектә бәйрәм кичәсе үткәрде. Әби-бабайлар укучыларның чыгышыннан бик канәгать калдылар, укучыларга зур рәхмәтләрен һәм изге теләкләрен җиткерделәр.

  5нче октябрь "Агач утырту көне"ндә безнең мәктәп коллективы читтә калмады.Мәктәп территориясендә чияләр утырттык.

    16нчы сентябрь озон катлавын саклау көне булып исәпләнә. Шушы темага карата сыйныфларда чисталык дәресе үткәрелде. Сыйныф җитәкчеләре укучыларга озон катлавы турында аңлаттылар. Экологик чиста табигать кеше тормышы өчен бик мөһим фактор икәнлеген сөйләделәр.

  Бүгенге өмәдә бакчада бик күп эшләр эшләнелде.Бәрәңгеләрне  алып урнаштырдык,бакчаларны, мәктәп йортын чүп-чардан чистарттык.

      Шушы тема астында балаларга сыйныф сәгатьләре үткәрелде.Укучыларга начар гадәтләрнең сәламәтлек өчен зарарлы булуы,ә спорт белән шөгыльләнүнең файдалы булуы аңлатылды.Тәнәфесләрдә балалар күңелле уеннар уйнадылар.