22 нче гыйнвар көнне Акъяр авылы җирле үзидарәсенең 34 нче чакырылыш киңәйтелгән җыелышы булып узды.Анда район хакимияте башлыгы Козлов В.М. катнашты.Җыелышта мәктәп-балалар бакчасы коллективы да актив катнашты.Җыелыш алдыннан авыл халкына концерт күрсәтелде.Концертта мәктәп укучылары да катнашты.

17 нче январь көнне башлангыч мәктәптә, ә 20 нче январь көнне балалар бакчасында ата-аналар җыелышы булып узды. Җыелышка барлык ата-аналар да килгән иде. Мәктәп тормышы һәм балалар бакчасына яңача түләү турында мәктәп директоры Фархаев Ф.С. таныштырды.

   Бүген бездә зур бәйрәм. Башлангыч мәктәп бинасының бер өлешендә балалар бакчасы үзенең ишекләрен ачты.Бакчабыз ачылу балалар өчен дә,ата-аналар өчен дә зур бәйрәм булды. Балалар үзләренең концерт номерларын килгән кунакларга бүләк иттеләр. Бакчабыз чиста,иркен.якты булган бүлмәләрдән тора. Заман таләпләренә яраклаштырып эшләнгән мәктәп-балалар бакча комплексын ачуга әти-әниләр. район вәкилләре, авылыбыз җитәкчеләре килгән иде. Бәйрәм бик күңелле булды.

       Бар табигать ап-ак кардан

       Мамык юрган ябына,

      Ә без килдек бергәләшеп

       Яшел чыршы янына.

  Яңа елкай, балкып кил син,

 Шатлык белән генә кил:

 Әтиләр дә, әниләр дә,

 Бабайләр да, әбиләр дә,

 Апалар да, абыйлар да,

 Һәм,әлбәттә, сабыйлар да -

 Сөенсеннәр генә гел!

  Хуш киләсең, ЯҢА ЕЛ !

Әни - иң изге сүз. Мәдәният йортында авылыбызның юбиляр әниләре хөрмәтенә "Юбиляр әни - 2013" дип исемләнгән әдәби - музыкаль кичә үткәрелде. Иң өлкән юбиляр әнигә 90, ә иң яшенә 50 яшь иде. Әни-әбиләрне мәктәп укучылары һәм мәдәният хезмәткәрләре төрле концерт номерлары белән котлап сөендерделәр, бик кызыклы уеннар оештырдылар.Юбилярлар үзләре дә буш килмәгәннәр. Алар башкаруындагы җырлар,шигырь һәм мөнәҗәтләр бәйрәмгә ямь өстәде. Бәйрәм  бик күңелле үтте.

Һәр елны 26 нчы ноябрьдә бөтен ил буенча “Әниләр көне” билгеләп үтелә. Безнең мәктәбебездә 1 нче сыйныф укучылары әниләренә багышлап үз куллары белән бүләккә  чәчәк бәйләмнәрен ясадылар.

Син, әнием, минем өчен

Бу дөньяда бер генә.

Елмайганда йөзләреңнән

Бар өйгә нур бөркелә.

Укытучылар бу атнада укучыларның өйләрендә булдылар. Балаларның өйдә нәрсә белән шөгыльләнгәннәрен, көндәлек режимны үтәүләрен, өйгә бирелгән эшләрен кем белән һәм ничек әзерләүләрен тикшерделәр, аларның өйдәге тормышларына күзәтү оештырдылар.

9 нчы ноябрьдә "Без экстремизмга каршы"дигән темага ата- аналар алдында башлангыч сыйныф укытучысы Галимова З.В. доклад белән чыгыш ясады. Укытучылар укучыларның чирек билгеләре белән таныштырдылар.
 

Бүген безнең мәтәптә көзге өмә оештырылды. Уен мәйданчыгына ком тараттык. Өмә оешкан төстә узды.