Уку елы тәмам. Хәзер инде рәхәтләнеп ял итәргә дә була. Без җыелышып чишмә буена ял итәргә килдек. Чишмә буеның саф һавасы үзе җанга зур дәва. Шушы матур табигать кочагында бергәләшеп төрле уеннар уйнадык , күңел ачтык, рәхәтләнеп ял иттек.

26 нчы май көнне бездә татар халык ашлары көне булып узды. Укучылар бай тарихы булган татар ашлары белән таныштырдылар, үзләренә халык ашлары турында күп мәгълүмат тупладылар. Соңыннан ашханәдә балалар токмачлы аш, өчпочмак, гөбәдия, кош теле кебек татар халык ашлары белән сыйландылар.

Бабайларның алсу каны балкый

Җиңү кояшының нурында

Онытмадык,мәңге онытмабыз

Алар батырлыгы турында.

Зарланмый эшлибез эшләрне,

Эзләми беркем дә җиңеллек

Иң авыр эшләр дә шатлык ул

Илеңдә булганда иминлек.

Яшибез гел шулай кояшлы
Һәм тыныч көннәргә сөенеп.

Һәркемнең күңелендә бер теләк:

Иминлек! Иминлек! Иминлек!

         30 нчы апрель көнне мәктәп бакчасында средник  үткәрдек.Чәчәкләр утырту өчен җирне казып,тырмаладык.

Мәктәп директоры һәм укучылар  тарафыннан ,30 нчы апрель  көнне сугыш ветераннарының тол калган хатыннары йортына элмә такталар урнаштырылды.Аларны якынлашып килүче Җиңү бәйрәме белән котладылар.

  26 нчы апрель көнне  Габдулла Тукайның тууына 128 ел булды.Шул көнгә багышлап "Мәңге яшь Тукай"дигән презентация карадык. Укучыларыбыз Г.Тукай шигырьләрен сәнгатьле итеп сөйләделәр. Аннан соң  "Г.Тукайның балачагы һәм иҗаты" дигән темага дидактик уен оештырылды.Уенда балалар бик теләп уйнадылар,дәртләнеп сорауларга җавап бирделәр.