Салкын кыш үтеп, яз җиткәч, халкыбыз бөек Тукайның туган көнен билгеләп үтә. Һәр ел саен мәктәпләрдә сөекле шагыйребез иҗатына багышлап, әдәби кичәләр уздырыла.  Ел саен бу көн  татар теле ункөнлеге кысаларында уза.  Быел да  Г.Тукайның туган көненә багышлап мәктәбебездә “Тукай безнең күңелләрдә” дип исемләнгән әдәби-музыкаль  бәйрәм үткәрелде. Сәхнәдә укучылар бөек шагыйребезнең шигырьләрен сәнгатьле сөйләделәр,сәхнәләштерделәр,   Тукай сүзләренә язылган җырларны башкардылар, әдипнең кыска гына гомеренең кайбер мизгелләрен чагылдырган видеофильм карадылар.Кунакка килгән 38нче  балалар бакчасында тәрбияләнүче балалар һәм аларның тәрбиячеләре дә үзләренең музыкаль номерларын тәкъдим иттеләр. Чара ахырында бәйрәмдә катнашучылар бергәләп татар халкының гимнына әверелгән “И туган тел” җырын башкардылар. Бәйрәмдә катнашкан укучыларга, укытучыларга , әти-әниләргә һәм килгән кунакларга зур рәхмәтебезне белдерәбез.