Бүген безнең балалар бакчасында «Татарча диктанты» акциясе узды. Быел оештыручылар, Гомәр Бәшировның тууына 120 ел тулу уңаеннан, аның әсәреннән өзек сайладылар. Барлык катнашучыларга да рәхмәт!

Анализ пожаров за первое полугодие 2021 года

    Бүген бакчабызда "Белем көне" оештырылды.Очрашу, күңел ачу, бергәләп уйнау өчен мәйданчыкка  җыелдык. Бәйрәмгә Маша да килгән иде. Ул балаларның мәктәпкә барырга, белем алырга теләкләре зур икәнен ачыклады. Барысына да күңелле һәм кызык булды! Балалар төрле бәйгеләрдә ярыштылар, уйнадылар, флеш-моб биеделәр. Бәйрәмне музыка җитәкчесе Эльвира Иршатовна әзерләп үткәрде.

31нче август көнне,"Федераль дәүләт белем бирү стандартлары нигезендә белем биру процессын проектлаштыру"  темасы астында педагогик киңәшмә булды.

Бүген балалар бакчасында Татарстан Рес­публикасы көне билгеләп үтелде.
Чарада катнашучылар балалар Ватан турындагы шигырьләрне сәнгатьле итеп сөйләделәр, табышмакларга җаваплар әйттеләр, дуслык турындагы җырлар тыңладылар, рес­публикабыз халыкларының төрле уеннарын уйнадылар. Педагоглар һәм балалар республикабызны сакларга, яратырга вәгъдә иттеләр.  

Татарстан Республикасы көне – күпмилләтле Татарстанны берләштерә торган бәйрәм. Бездә төрле милләттән булган һәм төрле дин тотучы кешеләр дус, тату яши.

Бүген Татарстан – куәтле, эзлекле үсеш алган төбәк. Үзенең уңыш-казанышлары белән республика төрле буын ватандашларыбызга бурычлы. Татарстан киләчәккә омтылып яши, елдан-ел бөтен дөньяга таныла бара. Биредә төп кыйммәтләрнең – мәдәниятнең, рухи хәзинәләрнең, милли үзенчәлекләрнең, өлкән буыннарга хөрмәтнең – кадерләп саклануы аеруча мөһим. Чөнки болар – киләчәк көнебезнең ныклы нигезе.

Бүген, балалар бакчасының туган тел һәм халыклар бердәмлеге елына эш планы нигезендә, "Дус яшик, Татарстанда!" исеме астында, төсле акбурлар ярдәмендә рәсем ясау оештырылды. Балалар бик теләп рәсемнәр ясадылар. Кич әти-әниләре белән шатлыкларын уртаклаштылар, үзләренең иҗат җимешләре белән таныштырдылар.

25нче август көнне 82нче санлы "Көнбагышкай" балалар бакчасының 3нче уртанчылар төркем балалары белән, Муллагалиева Алия Альбертовна  "Юлда да акыл кирәк" дигән бәйге оештырды.  Чарага ЮХИДИ идарәсе пропаганда бүлегенең әйдәп баручы белгече Уйбекова Ләйсән Вәкил кызы  килгән иде.