Балалар бакчасында тәрбияләнүче  балалар белән бергәләп «Без балачак иленнән» дип аталган флеш-мобта катнаштык. Билгеле булганча, җәйнең беренче көне балаларны яклау көне буларак билгеләп үтелә. Шушы бәйрәмгә багышлап балалар флеш-мобта катнаштылар. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк.

Бүген безнең балалар бакчасында "Янгын сүндерүчеләр өйрәнүдә" дип исемләнгән күңел ачу чарасы булды. Анда безнең балалар көнкүрештәге хәвеф чыганакларын (электр-приборлары, газ плитәсе, үтүк һ.б.) дөрес куллану турындагы белемнәрен киңәйттеләр, янгын сүндерүчеләр, янгыннарның сәбәпләре, янгын вакытында үз-үзеңне тотуның элементар кагыйдәләре турындагы белемнәрен камилләштерделәр. Ярдәм сорап өлкәннәргә мөрәҗәгать итә белү күнекмәләрен формалаштырды.

Сабан туе, Сабан туе,

Без бакчада уйныйбыз.

Ярышабыз, узышабыз,

Матур җырлар җырлыйбыз.

Билгә сөлге салабыз да

Көрәшергә чыгабыз.

Әле батыр булмасак та,

Үскәч чынлап егарбыз.

Иң өлгерләр, иң җитезләр

Бүләк яулап алалар.

Бөтен җирдән җыелганнар

Сабантуйга балалар.