Зурлар төркемендә "Тузганак чәчәге" көне. Балалар белән тузганак чәчәге турында булган белемнәрне киңәйттек. Дару үләне төшенчәсе белән таныштык һәм тузганак чәчәгеннән тәкыяләр урдек.

8 нче май көнне Иске Карамалы мәдәният йорты каршында урнашкан обелиск янында  Бөек Җиңүнең 79 еллыгы уңаеннан узган "Беркем дә онытылмый, бер нәрсә дә онытылмый..." дигән тантаналы митингта  катнаштык. Балаларыбыз шигырьләр, җырлар белән чыгыш ясадылар.

3 май бөтендөнья Кояш көне уңаеннан авыл китапханәсе белән бергә "Һәрвакыт булсын кояш" дигән темага рәсем конкурсы үтте. балалар үзләре ясаган кояш рәсемнәрен алып килделәр.

 Иске Карамалы мәдәният йортында  Туган тел көне һәм татар халкының бөек шагыйре Габдулла Тукайның тууына 138 ел уңаеннан, "Тукай теле  - туган тел " дип аталган, сәхнәләштерелгән күңел ачу чарасы узды.

Халыкара экологик белем көне уңаеннан балалар белән  "Яшь экологлар" дип аталган тематик кичә уздырдык. Экологик белемнәрен ныгыттык.

"Яшь бөреләр - 2024" районкүләм талантлы балалар фестиваленең йомгаклау концертында катнашып, Маликова Лиза "Вокал-соло" номинациясендә I  урын яулады. Лизага киләчәктә уңышлар телик.

Г.Тукайның туган көне уңаеннан үткәрелгән "Ватан белән горурланабыз! Тукай белән горурланабыз!" II  Республикакүләм конкурсында катнашып, Рахимҗанова Ландыш II дәрәҗә дипломга ия булды.

Җәй көне тәҗрибә участогына утырту өчен зурлар төркеме балалары белән тартмаларга помидор үсентеләре күчердек.

12 апрель- Космонавтика көне уаңеннан  балалар Космос, космонавтлар, йолдызлар.планеталар турында мәгълүмат белән таныштылар, рәсемнәр ясадылар.

Районкүләм талантлы балалар фестивале"Яшь бөреләр" конкурсында сайлап алу турында катнашып  Маликова Елизавета гала -концертта катнашу мөмкинлегенә ия булды.