Мәктәбебезнең укучылары, укытучылары көзнең иң матур көннәренең берсендә табигатькә экскурсиягә чыктык. Укучылар, укытучылар белән берлектә уеннар уйнадык, учак янында бәрәңге пешереп матур гына өйләргә таралыштык.

27 сентября все учащиеся  участвовали во  Всероссийском Интернет - уроке по теме "Профилактика наркомании в образовательной среде". 

24 нче сентябрь көнне мәктәп уңышын җыеп базга салып куйдык. Үз тракторы белән бәрәңге алырга әтиләр комитетыннан Габдуллин Гаяз абый ярдәм күрсәтте.Гаяз абыйга бик зур рәхмәтебезне белдерәбез.

21 нче сентябрь көнне ДЮСШ  спорт залында спорт мәктәбе беренчелегенә бадминтон ярышы уздырылды. Бу ярышта безнең мәктәп укучылары бик актив катнаштылар. Укучыларны ярышка алып баруда әти - әниләр ярдәм иттеләр, шулай ук физкультура укытучысы Кашапова Люция  Фаритовна оештырды.  Ярышта 6 нчы сыйныф укучысы Гибадуллин Раяз III урына лаек булды, тренеры Валеев Ф.Ө. Укучыларга, укытучыларга рәхмәтебезне белдерәбез. 

21 нче сентябрь көнне Профсоюз оешмасы җитәкчесе Шакирова Әлфия Мөнировна 7-9 нчы сыйныф укучыларына "Нәрсә ул Профсоюз?" дип исемләнгән сыйныф сәгате үткәрде. Әлфия Мөнировна укучыларга Профсоюз оешмасы хакында презентация ярдәмендә аңлатты. 

16 нчы сентябрь көнне биология укытучысы Садриева Алсу Раисовна мәктәпкүләм "Грипптан сак бул!" дип исемләнгән сыйныф сәгате үткәрде.Сыйныф сәгатен укытучы бик кызыклы итеп оештырган, хәтта укучылар төрле экспериментлар ясап карадылар һәм кызыксындырган сорауларын биреп җаваплар тыңланылды. Грипптан сак булырга кирәкле хакында аңлатылды.

15 нче сентябрь көнне мәктәпкүләм ата-аналар җыелышы үткәрелде. Җыелышта Югары Табын авылының фельдшеры Җәләлетдинова Гүзәл Фаяз кызы наркотик матдәләрнең куркыныч китерүе хакында ата-аналарга аңлатты.  

13 нче сентябрь көнне Югары Табын авылында яшәүче Садиков Айдар Рәҗәп улы мәктәптә Корбан гаетенә багышлап бәйрәм өстәле әзерләтте. Чарада мәктәп укучылары, укытучылар, авылыбызның имам хатибы, ветеран укытучыларыбыз катнашты. 

9 нчы сентябрь көнне "Иминлек" айлыгы кысаларында Түбән Табын авыл җирлегенең участковые Хабибуллин Рафик белән очрашу булды. Рафик укучыларга тәртип, үз-үзеңне тоту кагыйдәләре белән таныштырды. Мәктәп коллективы бу очрашудан бик канәгать булып калды.

3 сентябрь - илкүләм Беслан трагедиясе дип игълан ителде.Тарих укытучысы Ахметвалиева Р.М.1-9 нчы сыйныф укучыларына сыйныф сәгате үткәрде.