Башлангыч сыйныф укучылары арасында "Кыш бабай остаханәсе" дип исемләнгән районкүләм кул эшләре конкурсы уздырылды. Укучылар актив катнаштылар. Бигрәк тә Насифуллин Әмирханның эшләгән кул эше үзенчәлекле иде. Укучыларга, укытучыларга бик зур рәхмәтебезне белдерәбез. 

30 ноябрь көнне Мөслим гимназиясе базасында башлангыч сыйныф укучылары арасында "Бәхетле балачак" дип исемләнгән шигырь бәйгесе булып узды. Безнең мәктәптән 2 нче сыйныф укучысы Бакиев А.А. (укытучысы Динмухаметова Г.Р.) Мөҗәһит Әхмәтҗановның "Мәктәпкә бармыйм әле!", 3 нче сыйныф укучысы Шакертзянова К.Р. (укытучысы Хабибуллина Г.Г.) Мөҗәһит Әхмәтҗановның "Яхшы буласым килә" дип исемләнгән шигырьләр белән катнаштылар. Һәр катнашкан укучы сертификат белән бүләкләнде.

1 декабрь - Бөтендөнья СПИДка каршы көрәш көне уңаеннан Югары Табын авылы фельдшеры Җәләлетдинова Г.Ф. укучыларга сыйныф сәгате үткәрде. 

Мәктәпкүләм укучылар белән бергә "Ледокол" киносын карадык.

Сегодня в школе прошла встреча с инспектором по делам несовершеннолетних Салиховой Л.З. Она сделала доклад на тему "Профилактика правонарушений".

Бүген Тугаш башлангыч сыйныф мәктәбендә сыйныф дәресләре, дәресләр карадык. Сөләйманова Р.Т. "Хокукларым һәм бурычларым" дип исемләнгән сыйныф сәгатен 1-4 нче сыйныфларда күрсәтте, Замалиева И.Т. һәм Сөләйманова Р.Т. математика фәннәреннән дәресләр күрсәттеләр.

Кашапова З.Р. 5-9 нчы сыйныф укучылары арасында "Үзебезнең уен" бәйгесе оештырды. Укучылар сорауларга җавап бирделәр.  

26 нчы ноябрь көнне мәктәпкүләм "Бәйрәм белән, әнием" дип исемләнгән КВН бәйге оештырылды. Бәйрәм кичәсен 2,4 нче сыйныф җитәкчесе Динмухаметова Г.Р. оештырды һәм алып барды. КВН бәйге укучыларның концерт номерлары белән бергә алып барылды.Укучыларны җырларга, биергә, уен коралларында уйнарга өйрәтүче -  педагог оештыручы Нуруллина А.Х. Әниләр ике командага бүленеп көчләрен төрле уеннарда сынаштылар. Әниләр мәктәп коллективына бик зур рәхмәтләрен җиткерделәр.  

Бүген 6 нчы сыйныф җитәкчесе Кашапова З.Р. Тормыш дәресләре нигезендә "Гражданлык. Бу төшенчәгә нинди мәгънә салынган?" дигән темага ачык сыйныф сәгате үткәрде. Укучылар ике командага бүленеп "Үзебезнең уен" дип исемләнгән уен уйнап сорауларга җавап бирделәр. Сыйныф сәгате уңышлы булды. Земфира Рафис кызына администрация исеменнән рәхмәтебезне җиткерәбез.

Бу атна дәвамында мәктәптә математика атналыгы уздырылды. Шул уңайдан математика укытучылары Амирова Л.А. белән Кадырова Р.Ф. 5-7 нче сыйныф укучылары арасында "Бәхетле очрак" дип исемләнгән КВН бәйгесе оештырдылар. Укучылар ике командага бүленеп математика фәне буенча үзләренең белемнәрен тикшерделәр. Администрация исеменнән укытучыларга рәхмәтебезне белдерәбез.