Башлангыч сыйныф укучылары өчен “Әдәплелек кагыйдәләре” дигән темага класс сәгате узды.  Укучылар урамда, мәктәптә ничек үзеңне әдәпле тотарга икәнлекләрен искә төшерделәр, белемнәрен ныгыттылар.

Мәктәп директорыбыз Яббарова Синара Ягъфәр кызы  “Татар сүзе” республикакүләм бәйгедә катнашып,  Татарстан Республикасы Президенты каршындагы Татар телен саклау һәм үстерү мәсьәләләре комиссиясенең Рәхмәт хатына лаек булды.

Башлангыч сыйныф укучылары кошлар ашханәсендә булдылар. Балалар җимлеккә килгән кошларны күзәттеләр,  ипи валчыклары һәм ярмалар белән сыйладылар.

13 нче гыйнварь көнне укучылыр һәм мәктәпкәчә яшьтәге төркем балалары Иске Яңа ел бәйрәмен уздырдылар.Балалар шигырьләр сөйләделәр, җырлап, биеп күңел ачтылар.

Экологик тәрбия максатыннан балалар  кышкы паркка экскурсиягә чыктылар,җимлекләргә килгән кошларны күзәттеләр.  Җимлекләргә ипи валчыклары, ярмалар салдылар.

“Сәламәт укытучы” проекты кысаларында укытучылар, тәрбиячеләр Имәнәй тавына экскурсиягә бардылар. Тауда чаңгы, чана шудылар.

“Спорт- сәламәтлек нигезе” кысаларында, 6 нчы гыйнвар көнне, мәктәп укучылары кышкы эстафета ярышларында катнаштылар. Алар үзара спорт ярышларында көч сынаштылар, чана, чаңгы шудылар

4 нче гыйнвар көнне мәктәп укучылары кышкы урманга экскурсиягә бардылар. Алар кышкы табигатьтәге үзгәрешләрне, кышлаучы кошларны күзәттеләр.

Зурлар төркемендә “Кыш бабайда кунакта” дип исемленгән Яңа ел тамашасы узды. Балаларның чыгышы әти-әниләргә видео форматта җибәрелде.

4 нче сыйныф укучысы  Соломатин Рамазан районда үткәрелгән “Ел укучысы” конкурсының зона турында  катнашты.