“Көмеш кыңгырау” гәҗитәсе үткәргән республикакүләм “Кызык таптым төшердем” конкурсында Динә һәм Зилинә Шәйгардановалар “Шыгырдавык башмаклар” фильмы белән җиңү яуладылар. Шәрифуллин Рүзәл, мәктәпкәчә яшьтәге балалар төркемнәре һәм 1 нче сыйныф укучылары төрле номинацияләрдә җиңүче булдылар.

“Кызыл, яшел, сары” дип исемләнгән агитбригадалар бәйгесендә катнашып, “Синең тормыш синең кулларда” номинациясендә җиңү яуладылар.

ЮХИДИга 85 ел тулу унаеннан,  башлангыч сыйныф укучылары арасында үткәреләчәк   “Кызыл, яшел, сары” дип исемләнгән агитбригадалар конкурсына әзерлек бара.

3 нче сыйныф укучысы Шәйгарданова Зилинә “Иң укымышлы бала” муниципаль конкурсында катнашты.

Республикакүләм уздырыла торган “Без бергә!” фестиваленең мәктәп турыннан узган 3 укучының видеоязмасы  муниципаль турга җибәрелде.

 “Туган телләр һәм халыклар бердәмлеге елы” кысаларында Метрәй мәктәбе хезмәткәрләре, 7 нче март көнне  авыл күләмендә оештырылган ярминкәдә үзләренең сәүдә рәтләрен булдырдылар, уеннар,җырлар бүләк иттеләр, ярминкәгә килгән кунакларны кайнар чәй, коймак белән сыйладылар.

Метрәй мәктәбенең башлангыч сыйныфларында  әти – әниләр өчен Гаилә бәйрәме үткәрелде. Мәктәпнең 13 укучысы да «Мин – милләтемнең киләчәге, горурлыгы» конкурсында катнашып, үзләренең җыр – биюгә, кул эшләренә осталыкларын әти – әниләре алдында күрсәттеләр.

Халыкара хатын –кызлар көненә багышланган республикакүләм уздырылган “Сез безнең горурлыгыбыз!” акциясендә 4 гаилә катнашып, эшләрен  ВК һәм Инстаграм челтәренә урнаштырдылар.

“Сәламәт укытучы” проекты кысаларында, укытучылар һәм тәрбиячеләр  “Жемчужина” ял һәм сәламәтләндерү шифаханәсендә ял көннәре турында булып, сәламәтлекләрен ныгытып кайттылар.

Халыкара хатын –кызлар көненә багышлап, мәктәпкәчә яшьтәге балалар төркемендә, әти- әниләр катнашында  “ Минем әти иң булганы, минем әни иң уңганы” дип исемләнгән бәйрәм оештырылды. Балалар әтиләре, әниләре белән бергәләп  кызыклы конкурсларда ярыштылар.