1 нче декабрь  көнне Күбәк урта мәктәбендә башлангыч сыйныф укытучыларының “Дәрес һәм дәрестән тыш эшчәнлекнең актив формаларын куллану” темасына районара семинар үтте. Семинарда  Актаныш районы укытучылары да катнашты.  2 нче класста әйләнә-тирә дөнья фәненнән “Табигатьтә үз-үзеңне тоту кагыйдәләре” (укытучы Шаяхметова Л. Ф.), 4 нче класста татар теленнән “Исем сүз төркемен кабатлау” (укытучы Шангараева А. М.) темаларына  ачык дәресләр каралды. “Балалар бакчасы һәм башлангыч мәктәп арасында дәвамчанлык” темасына чыгыш тыңланды (укытучы Гараева Р. Н.).  Чыгышта дәвамчанлыкны булдыру юллары, балаларның сәләтләрен үстерү юнәлешендә эшләнгән эшләр билгеләп үтелде. Мастер-класслар үз югарылыгында үтте:  “Уен аша яңа белемнәр”. Октябрь башлангыч мәктәбе укытучылары Баширова Р. Р. һәм Набиуллина Г. Н. Лэпбук – ФГОС шартларында балаларга белем һәм тәрбия бирүдә ярдәмлек”. Вәрәшбаш төп мәктәбе укытучысы Хасанова М. К. - “Дәрес һәм дәрестән тыш чараларда укучыларның игътибарлылыкларын үстерү алымнары”. Укытучы Гараева Р. Н. Семинарны  Мөслим муниципаль районы мәгариф идарәсе методисты Харитонова И.М. йомгаклады.